Den Bibel, Inhoudende dat Oude ende Nieuwe Testament (Biestkensbijbel)

¶ Dat .xiij. Capittel.

¶ Hoe Abraham dat lant deelde met sinen broeder Lot, ende hoe hy de belofte ontfinck van God dat hy ende zijn saet dat lant soude ontfanghen ende besitten inder eewicheyt.

1

⁺ ALsoo trock Abram opwaert wt Egipten, met sinen wijue, ende met al dat hy hadde, ende Lot oock met hem, ten Suydenwaert.

+ A vers 1

2

Mer Abram was seer rijck van Vee, siluer, ende gout,

3

Ende hy trock altoos voort aen, van Tsuyden tot BethEl toe, aen de Stede daer eerstwerf zijn Hutte was tusschen BethEl, ende Ai,

4

In de selue plaetse,^* daer hy te voren den Altaer ghemaeckt had, Ende hy predicte aldaer den Naem des HEEren.

* Gene. 12.b.7.

5

Maer Lot, die met Abram trock, had oock Schapen ende Runderen, ende Hutten.

6

Ende dat lant en mochts niet verdragen, dat si by malcanderen woonden,^* want haer haue was groot, ende en conden by malcanderen niet woonen,

* Gene. 36.a.7.

7

^† Ende daer was altoos twist tusschen den Herderen ouer Abrams Vee, ende tusschen den Herderen ouer Lots Vee.^† Ende tot dien tijden woonden int lant oock Cananiten ende Pheresiten.

† Gene. 26.c.20

† Gene. 12.b.6.

8

⁺ Doen sprack Abram tot Lot: Lieuer, en laet gheenen twist wesen tusschen v ende my, ende tusschen mijnen ende uwen Herderen:^† Want wy zijn ghebroeders.

+ B vers 8

† Eccle. 25.a.2.

9

^* En staet v niet alle tlant open? Lieuer scheyt v van my. Wildy ter slincker hant, so wil ick ter rechter hant, oft wildy ter rechter handt, soo wil ick ter slincker hant.

* Ier. 40.a.4

10

Doen hief Lot zijn oogen op, ende besach de gheheele contreye aender Iordane. Want eer dat de HEEre Sodoma ende Gomorra verderf, was si waterrijck, tot datmen te Soar coemt, als eenen Hof des HEEren, ghelijck Egipten lant.

11

^+* Doen vercoos hem Lot de gheheele contreye aen de Iordane, ende tooch teghen dat Oosten. Also scheyde die een broeder vanden anderen

+ C vers 11

* Deut. 2.b.8.

12

Dat Abram woonde int landt Canaan, ende Lot inde steden der seluer contreyen, ende sette zijn Hutte te Sodoma:

13

^† Maer de lieden te Sodoma waren boos, ende sondichden seer teghen den HEEre.

† Ezec. 16.f.49

14

Als hem nv Lot van Abram gescheyden had, sprack de HEEre tot Abram: Heft v ooghen op, ende siet van deser steden aen daer ghy woont, Noortwaert,

[p. 5r]

Suydtwaert, Oostwaert, ende Westwaert.

15

^† Want al dat lant, dat ghy siet, wil ick v gheuen, ende uwen sade eewelijck,

† Act. 7.a.5. Gen. 12.b.7. 15.d.18. 26.a.4 Deut. 34.a.4

16

Ende wil v saet maken ghelijck dat stof op Aerden. Can een mensche dat stof op Aerden tellen, die sal v saet oock tellen.

17

Daerom so maect v op, ende trect door dat lant, in de lengde ende breyde, want v wil ict gheuen.

18

Dus hief Abram zijn hutten op,^† ende quam woonen inde^* Haghe Mamre, dat te Hebron is, ende timmerde aldaer den HEEre eenen Altaer.

† Gen. 14.c.13

* Alias Dal, oft Eyckenwout.