Den Bibel, Inhoudende dat Oude ende Nieuwe Testament (Biestkensbijbel)

¶ Dat .v. Capittel.

¶ Hier wort Adams gheslachte verhaelt, ende dat ouderdom der Mannen van sinen gheslachte, tot Noe toe.

1

⁺ DIt is dat Boec van des menscen geslachte.^* Doen God den mensce sciep, maecte hi hem na de gelikenis gods.

+ A vers 1

* Genes. 1.d.27. Eccle. 17.a.2.

2

Ende schiepse een Man ende een Vrouwe, ende seghendese, ende hiet haren naem Mensche, ter tijt doen sy gheschapen werden.

[p. 2v]

3

^† Ende Adam was hondert ende dertich Iaer out, ende wan eenen sone, die sinen beelde ghelijck was, ende hiet hem Seth.

† 1.Par. 1.a.1.

4

Ende leefde daer na acht hondert Iaer, ende wan sonen ende dochteren,

5

Dat zijn gheheel ouderdom wert neghen hondert ende dertich Iaer, ende sterf.

6

Seth was hondert ende vijf Iaer out, ende wan Enos:

7

Ende leefde daer na acht hondert ende seuen Iaer: Ende wan sonen ende dochteren,

8

⁺ Dat zijn gheheel ouderdom wert negen hondert ende twelf Iaer, ende sterf.

+ B vers 8

9

Enos was neghentich Iaer out, ende wan Kenan:

10

Ende leefde daer nae acht hondert ende vijfthien Iaer. Ende wan sonen ende dochteren,

11

Dat zijn gheheel ouderdom wert neghen hondert ende vijf Iaer, ende sterf.

12

Kenan was tseuentich iaer out: Ende wan Mahalaleel:

13

Ende leefde daer nae acht hondert ende veertich Iaer, ende wan sonen ende dochteren,

14

Dat zijn geheel ouderdom wert neghen hondert, ende thien Iaer, ende sterf.

15

Mahalaleel was vijfentsestich Iaer oudt, ende wan Iared:

16

Ende leefde daer nae acht hondert ende dertich Iaer: Ende wan sonen ende dochteren,

17

Dat zijn gheheel ouderdom wert acht hondert ende vijfentneghentich Iaer, ende sterf.

18

⁺ Iared was hondert ende tweentsestich Iaer out, ende wan Henoch:

+ C vers 18

19

Ende leefde daer na achthondert Iaer: Ende wan sonen ende dochteren.

20

Dat zijn gheheel ouderdom wert neghen hondert tweentsestich Iaer, ende sterf.

21

Henoch was vijfentsestich Iaer out, ende wan Methusalah.

22

Ende na dien hy Methusalah gewonnen hadde, bleef hy in een godlijc leuen drie hondert Iaer, ende wan sonen ende dochteren,

23

Dat zijn geheel ouderdom wert drie hondert ende vijfentsestich Iaer,

24

^† Ende want hy een goddelijck leuen leyde,^* nam hem Godt wech, ende en wert niet meer ghesien.

† Hebre. 11.a.5. Eccle. 44.b.16. 49.c.16.

* 4.Re. 2.a.1.

25

Methusalah was hondert seuenentachtentich Iaer out, ende wan Lamech:

26

Ende leefde daer na seuen hondert ende tweentachtentich Iaer: Ende wan sonen ende dochteren,

27

Dat zijn geheel ouderdom wert negen hondert negenentsestich iaer, ende sterf.

28

⁺ Lamech was .C. tweentachtentich Iaer out, ende wan eenen sone,

+ D vers 28

29

Ende hiet hem Noah, ende sprac: Die sal ons troosten in onse moeyte ende arbeyt op Aerden,^* die de HEEre veruloect heeft.

* Genes. 3.d.17.

30

Daer nae leefde hy vijf hondert vijfentneghentich Iaer, ende wan sonen ende dochteren,

31

Dat zijn gheheel ouderdom werdt seuen hondert seuenentseuentich Iaer, ende sterf.

32

Noah was vijf hondert Iaer out: Ende wan^† Sem, Ham, ende Iaphet.

† Eccle. 49.c.19