Biekorf. Jaargang 102

[p. 339]

Antheunis Lambrouck, meester thimmerman van Brugge 15 jan. 1536

Wanneer Anthuenis La(m)brouck opvolgt als meester timmerman, toeziener op de edificien vander stede, legt hij volgende eed af, verdeeld over 14 punten van aandacht (Secrete Resoluties, 1535-1536, fol. 22v-23v).

1. Alvoore(n) wordt hij ghehoude(n) dekin en(de) deelma(n)ne(n) der voors(eide) stede wel en(de) ghetrauwelick te beraedene ende thuerlie(den) vergaerdaghe(n) bij he(m)lied(en) te zijne, en(de) met he(m)lied(en) te gaene ter visitacie vanden huusen ende plaetsen, die zij visiteere(n) moete(n) binne(n) der stede en(de) scepe(n)do(m)me, tzij uut cause va(n) huere(n) officie(n) ofte ten versoucke va(n) partie(n); mids va(n) partie(n) betaelt zij(n)de naer coustu(m)e) ofte ter ordonan(tie) vand(en) voors(eiden) dekinen(de) deelma(n)ne(n).

2. Ite(m) werdt ooc ghehoude(n) de(n) tresoriers deser stede wel en(de) ghetrauwelick te beraedene in dies zij he(m) vraghe(n) zulle(n), de(n) wercken vand(er) stede angaen(de), en(de) ter dier cause thuere(n) ontbiedene bij he(m)liede(n) te co(m)mene, en(de) met he(m)liede(n) te gaene ter visitacie vand(en) edificie(n) vand(er) stede, alzo wel buute(n) der stede als daer binne(n), mids vander visitacie(n) buute(n) der stede betaelt zij(n)de.

3. Ite(m) de wercke(n) die he(m) de tresoriers laste(n) zulle(n) te makene, wel en(de) ghetrauwelick te doene, en(de) daer inne goede stoffe te leveren, naer de(n) heesch vande(n) wercke, ten redelicke prijse; te ziene dat de stoffen inde wercken gheoorboort en(de) verwrocht worde(n), en(de) dezelfde stoffen mette dachhuere, die in tverbesighen va(n)die(n), en(de) in de wercke daerof hij last heeft, gheworcht zulle(n) worden, bij eede over te ghevene bij ghescrifte, o(m)me daerof betaelt te zijne.

4. Ite(m) wel verstaende dat va(n) alle(n) nieuwe en(de) groote wercken, men voorwaerde maken en(de) bij ghescrifte stelle(n) zal, en(de) die bestede(n) den mij(n)st doende, zo hier te voore(n) gheordo(n)neert es gheweest.

5. Ite(m) wert ghehoude(n) te bewaerene de speije te(n) drie(n) duere(n) ter coepoorte [aan de Wijngaard], ende ten vulderspeijkin, die windende, twatre daer duer(e) te laetene, de zelve slute(n)de en(de) twatre up te houdene, naer de(n) tijt vande(n) jaere en(de) datter watre in tlandt es⁽¹⁾.

6. Ite(m) ende e(m)mer van half maerte tot baefmesse twatre alzo hooghe houdende als hij mach, zonde(r) ijemande, daer de stede

(1) Zie ook voor punt 6, Biekorf 2000, p 190 (1520).

[p. 340]

jeghe(n)s verbonde(n) staet, notable scade te doene, omme de reije daermede binnen de zomere te ververschene, zo hij in conscientie, ende bij raede, vinde(n) zal daertoe dienen(de).

7. Ite(m) werdt ooc ghehoude(n) de(n) liede(n) va(n) bute(n) en(de) andere in beede⁽²⁾ brugghemarcten de scraghen ende plancken te leveren o(m)me huerl(ieder) lakene(n) up te legghene; daervoore(n) hij hebbe(n) zal zulcke(n) loon van voetghelde ende anders alsme(n) ghecoustumeert es daervoore(n) te betalene, zonder dat de stede daerof ijet hebbe(n) zal.

8. Ite(m) thoude houdt, dat vallen zal vanden huuse, bringhe(n) ande andere edificien dieme(n) binne(n) deser stede vermacke(n) zal; alzo verre alst tzelve weder verwerckelic wordt in eeneghe wercke(n) van(der) stede, zulle(n) de tresoriers dat hebbe(n) te(n) prouffijte vand(er) stede, zonder dat dezelve meesterwerkma(n) eenich zulc oudehoudt, co(m)mende vande(r) zelve(n) edificie(n) tzijne(n) prouffijte hebbe(n) zal mueghe(n); nemaer thoude houdt dat niet verwerckelick en es, en(de) dat overzulck bij tresoriers dese(r) stede, naer behoorlicke verstane, daerop bij hemlieden ghenomen zal worden, zal dezelve meesterwerckman dat hebbe(n) tzijn(e) prouffijte, en(de) anders gheene, zo voors(eit) es.

9. Ite(m) dezelve m(eester) thi(m)merman sal mueghe(n) ghebruucke(n) de huus(en) en(de) schuere metter plaetse te(n) drie(n) duere(n) [aan de Wijngaard, tegenover de Fonteinstraat] (uutghevende beede de engienhuuse(n) die de stad thuere(n)waerts behoudt) up de bespreke(n) naervolghe(n)de:

10. Te wetene indie(n) dat ghebuerde dat die van(der) wet ofte tresorie eeneghe maeltijde(n) ofte bancketten up thuijs te(n) drie(n) duere(n) houde(n) wilde(n), dat zij tzelve huijs daertoe zulle(n) mueghe(n) besighe(n).

11. Ite(m) zullen ooc thende vand(er) grooter schuere mueghe(n) ghebruuke(n) o(m)me tbewaeren vande(r) toghe(n) en(de) spele(n) vand(er) heleghe(n) bloetdaghe, zo zij tot noch toe ghedaen hebbe(n), en(de) updat zij o(m)me tbewaere(n) va(n) eeneghe sake(n) vand(er) stede meer vand(er) schuer(e) te doene hadde(n), zullen die mueghen besighe(n).

12. Ite(m) dies zullen de voorn(oem)de vand(er) stede alle de huus(en) en(de) schuere onderhoude(n) ende reparacien.

13. Ite(m) dezelve wercma(n) es ghehoude(n) talle(n) tijde, als hij va(n) een vand(en) pe(n)sionarissen vand(er) wet weghe last hebben zal, te rechtene tscavot van justicie; daer voore(n) hij hebbe(n) zal

(2) Met brugghemarct is normaal de uit 1200 daterende jaarmarkt in mei bedoeld. Op de pandfeesten (pand graubroeders) werd geen laken gepresenteerd.

[p. 341]

telcker reijse naer coustu(m)e vijf scellin(ghen) par(isis).

14. Ite(m) en(de) sal de voors(eide) meester werckma(n) toone(nde) dies voors(eit) es, hebbe(n) een kerlaken van(der) stede telcken meije vander weerde va(n) twij(n)tich scell(inghen) parisis, naer coustu(m)e.

Een duidelijke voorloper van de commissies ter behoud van het patrimonium. Met aanduiding waar het meubilair voor rederijkersfeesten en H. Bloedprocessie werd bewaard.

A. Dewitte

Glossarium:

Beraedene: raad geven; vergaerdagh: dag waarop vergaderd wordt; stoffe, materiaal, gheoorboort: toegelaten, nuttig; verwrocht: verwerkt; verbesighen: gebruiken; voorwaerde maken: prijsofferte doen; den mijnst doende: de laagste prijs; verwerckelick: verwerkt, engienhuus: waar het machienepark stond dat instond voor de waterbedeling van de stad, reparacien in orde houden; voetghelde: in functie van lengte van de schragen; of als tegen prestatie. Niet in MNW