Biekorf. Jaargang 42

[p. 184]

Voor de winkelruite.

O wa' schoone, wa' schoone sacosse!

'k zie ze zoo geren!

zuiver leêr, e zilvere slot, en

'tnegentig frank maar!

Jan, mijne man,

wat dinkt er u van?

- Jonk toch, jonk toch,

't kan al méér in

uwe kabba!

- Jan, mijne man, o

't doet zoo schoone, en

't is de mode!

Rika van Korneel Placket, gaat

ook al uit met

heur sacosse!

moete ik schuiven, schuiven voor Rika?

'tnegentig frank,

maar 't is voor nieten!

- Nu, nu, 'k en

wille 't voor nie' niet!

daar zie, 'k geve u

twintig frank, en

ga der maar omme, Filemiene,

ga der maar achter,... toe!

- 'K en doe!...

'k zal zwijgen, Jan, van

nu tot thuis!...

- Och Heere, da'k

mij' vrouwke daarmeê stoore!

maar zwijgen, jonk,

't is 't liefste dat ik hoore! -

Kortrijk,

A. Mervillie.