Biekorf. Jaargang 38
(1932)– [tijdschrift] Biekorf–
[pagina 289]
| |
[Nummer 10] | |
Vangaever van Lichtervelde.Uit den tijd van mijn onderherderschap t'Aertrycke. ‘Haec olim meminisse juvabit’ (Vergilius). Zomersche zondag. - D'eerste messe was bijkan gedaan. - Buiten, rechtover de kerkdeure, ne man van in de 50, op èn tafel, en met nen hugle in zijn hand. - Links van hem, op ne stoel, èn open kofferke met doozekes en pakskes. - Rechts èn hondeke met e groen fraksken aan. - 't Volk komt buiten. ....... Ret-tettetet!... Ret-tettetet!... Tet-tettetet!... tettet!... tettet!... tet!... ....... - 't Zwormt bij de tafel!...
***
Menschen van Erdrike, 'k en mochte noch 'k en wilde under schoone prochie nie' voorbigaan! 'k bringe entwadde meê, en entwadde da' wel is! | |
[pagina 290]
| |
O 't ziin der al d ie peizen: 't is ne charlatan! 't en doet, menschen, 't en doet! maar da' ziin charlatans, die ipkomen mekkoetseGa naar voetnoot(1) en peerden, messpegelsGa naar voetnoot(2) en palmboomen, en nen hoop muzikanten die trommelen en fluten! ja, menschen, da' ziin charlatans!... en wie is't die al da' beslag betaalt?... gunder, menschen! gunder! - Beste vrienden van Erdrike, 'k en hebbeGa naar voetnoot(3), ik niet anders meé of miin trompette en miin hondje, en dat 'n kost under gee' geld; 'k en vrage daarvooren geene centiem te meer! ..... Alla Bijoetje, sta rechte! en salueert ne keer naar al die brave menschen!... hola Bijoe! schoone!... schoone!... met uw twee pootjes!... ....... Menschen van Erdrike, ge meugt wel minen name weten! 'k ben ik Vangaever van Lichtervelde! ja, vraagt maar in de kleene statiestrate te Lichtervelde, wie da' Vangaever is;... 'k mag overal miin aanzichte toogen!- *** Brave menschen, gelooft mi vri, als ik under ip de koude vlaschaards zie liggen, met zakken en vesten ip undere rugge, 'k hebbe kompassie! ge komt thuis met kloven in under handen!... en ge giet daar pek in!... nie' slechter in g'heel de wereld!... pek! maar menschen toch! 't doe' zeer, 't duurt lange, en 't kan verzweeren! Hier èn dozi-jeGa naar voetnoot(4) slangezalve! Bin de drie dagen ziin de kloven toe! 't werkt zoete, 't werkt zeere en goekoop. Nieverst geen beter zalve! kiikt, menschen hoe dasseGa naar voetnoot(5) rekt en krult! Ja zie-je dadde! 't is zuver slangezalve. ....... | |
[pagina 291]
| |
Under kindje is ziek! o dat aarm schaptje!Ga naar voetnoot(1) - Ziin aanzichtje, wel Heere toch! ge zoudt 'et overdekken met nen houten lepel! - 't kwaad is er bii! 't kindje is betooverd! Alla! toe! toe! met al under tooverie! Vangaever zal 't under zeggen! 't is an 't maagsje te doene! - Hier e pakske kruiden! ge doet ervan in wat heete melk, of in kokende water, ge laat 'et wat trekken, met én beetje suker voor de smake, en algauwe 'n zult g'under kindje niemeer verkennen. ....... Overtiid 'k was t' Eecloo, in die lange strate waar dat er zoo veel werkmenschen weunen;... de moeders springen buten, en roepen: ‘Vangaever is daar! hi hé ons kindje genezen!’ en 'k moeste mi haasten om weg te geraken, of 'k miste minen trein! Beste vrienden, de groote menschen zoo wel of de kleene jongens,Ga naar voetnoot(2) moeten ook voor under mage zorgen! maar van eigen, 't moet ton wat stravver ziin! ***
Menschen, ge gaat zeggen misschien: m'hen onzen dokteur! - Ja, 'k wete 't, en bovenaldien g'hebt nen extra goen dokteur! peis-je da 'k hem niet 'n kenne?... 't is Mijnheer Baekeland, uit d'universiteit van Leuven, en van stiif verre zou 'k voor hem minen hoed ofpakken!... maar... ge verstaat wel, menschen, de dokteurs moeten àl de ziekten studeeren, en Vangaever is altijd, toujours, met zine zelfsten artikel bezig! en voor zinen artikel, 'n moet hi niet ommegaan voor den besten dokteur van Europa! neen-hi! - Menschen van Erdrike, nè... legt hier an de gevel van dat huus, nen hoop kossisteenenGa naar voetnoot(3) gereed, | |
[pagina 292]
| |
tegen da' Vangaever nog ne keer komt, en is't biialdien da'k liege, jaagt hem met die steenen van de prochie!... maar... 't en gaan daar geen steenen liggen, ge'n gaat Vangaever nie' wegjagen, maar later ook ga-je blie ziin, menschen, en ga-je zeggen: ‘Welgekomen, man! g'he't ons de waarheid gezeid!... ....... 'k Zie gunter twee snotzeuzen die staan te grèten!... ha gi galferaars! ne keer da'je daar bachten under, ip 't kerkhof, onder de groene sarze zult liggen, ge 'n gaat ton niemer lachen hé?... schuiftegoedGa naar voetnoot(1)! gaat elders, en laat de verstandige menschen horken!... ....... En nu, beste vrienden, ge moet van d'okkasie profiteeren! èn aarm frankske maar al te gare, voor de zalve en de kruden! 't is min of voor niet! Kom' maar bii! en haast under! 'k moete tegen achter d'hoogmesse t'Ichteghem ziin!
***
d'Handen gingen omhooge!... en Vangaever 'n had geen handen genoeg!... ....... Voor de kloven; daarzie man! - voor mi kindje; 't zalder mee deurekomen! - 2 dozi-jes slangezalve; uw kloven ziin genezen, man! - Stille Bijoe! en houdt u koeste!Ga naar voetnoot(2) - 1 pakske kruden; kund-je weêregeven van nen dobbele frank? - 't is Barbara, geloove ik?... nee', 't is Clette; kwestie ga-je mi geld willen? Zeker, Coleta, zeker! - 2 paksjes en ne frank weêre; Daar, mine vriend! - 1 dozi-je... 2 dozi-jes;... niet te zeere, menschen, niet te zeere! - Vangaever, 'n hé-je niemendalle voor de geeten?... Maar moedertje, de geeten gaander ook deugd van hebben! geeft ton vier paksjes! Alla-bonheur!... ....... *** | |
[pagina 293]
| |
En in nen onze-vader-lezens was 't kofferken uit. - De latekomers kwamen te late! Tafel en stoel gingen naar d'herberge; - Bizoetje kreeg daar 2 rondekes spekulatie; - Vangaever dronk nen druppel,... betaalde den baas,... en trok welgezind den weg op naar Ichteghem! A.M. |
|