Bible in duytsche (Delftse bijbel 1477)
(2008)–Anoniem Bible in duytsche (Delftse bijbel 1477)–
Auteursrechtelijk beschermd1§ Aleph. § Ic bin een man siende mijn armoede: in die roede sijnre onwaerdicheit. | |
2Hi heuet mi ghedreuen ende gebracht in donckerheden: ende niet in lichte. | |
3Allene heeft hi ieghen mi gekeert ende alle den dach sijn hant. | |
4§ Beth Hi heeft mijn vel out ghemaect ende mijn vleysch: hi heeft mine beenre te broken. | |
5Hi heeft ghesticht al omme ende omme mi: ende hi heeft mi omset mit gallen ende mit arbeide. | |
6Inden donckerheden heuet hi mi gheset: als ewelike dode. | |
7§ Gimel. § Hi heuet omtrent mi ieghen mi ghesticht dat ic niet wt gaen en sal: hi heeft mijne boeyen verswaert. | |
8Mer oec ende als ic rope ende als ic bidde: so heeft hi mijne bedinge wt ghestoten. | |
9Hi heuet mijnen wech ghesloten mit viercanten stenen. hi heuet mijne manpade omme gheworpen. | |
10§ Deleth. § hi is mij ghemaect een bere na mi spiende: een liebaert inden heimelijcheden.. | |
11hi heuet mijne manpaden omme ghekeert ende heeft mij te broken: hi heuet mi bedroeft gheset.. | |
12hij heuet sijnen boghe wtgherecht: ende hi heuet mi gheset als een teyken nae te schieten | |
13[3:14]He. Ic bin geworden in spotte al minen volke. alden dach haren sanc | |
14[3:15]hi heuet mi veruolt mit bitterheden hi heuet mi droncken ghemaect van alsen. | |
15[3:16]Dau. § hi heuet bi ghetale mijne tanden gebroken: hi heuet mi mit asschen ghespiset. | |
16[3:17]Ende mijne ziele is verstoten: ic hebbe vergheten der gueder. | |
17[3:18]Ende ic seide mijne eynde ende mijne hope is veruaren vanden here. | |
18[3:19]§ Zay. Ghedencke mijnre armoeden ende mijnre ouerdaet: der alsenen ende der gallen | |
19[3:20]Mitter ghedachten sal ic ghedencken: ende mijne ziel sal in mi smelten. | |
20[3:21]Dit ghedenckende in mijn herte: sal ic gode hopen. | |
21[3:22]§ heth. § Des heren ontfermherticheden sijn vele dat wi niet te nyete en sijn: want sijne ontfermherticheden en hebben niet gebroken. | |
22[3:23]Ic weet vroech: dat dijn gheloue vele is. | |
23[3:24]Mijn dele is die here seide mijne ziele: hier omme sal icken ontbeiden. | |
24[3:25]§ Teth. Die here is guet den ghenen die in hem hopen: dier zielen diene zoect. | |
25[3:26]Het is guet te ontbeiden mit ghezwighe des heren salicheit.. | |
26[3:27]het is guet enen man: als hi des heren iock draghet van sijnre ioncheit. | |
27[3:28]§ Joth. § Een enich man sal sitten ende zwighen: want hi sal hem heffen bouen hem. | |
28[3:29]Hi sal sijnen mont legghen in ghemulle: ofte machschien hope is.. | |
29[3:30]hi sal den ghenen dien slaet sijn wanghen gheuen: hi sal ghesaet worden mit lachteren | |
30[3:31]§ Caph. § Want die here en sal niet ewelike wtstoten. | |
31[3:32]Want al heeft hi ons of gheworpen mer hi sal ons ontfermen: na die menichuoudicheit sijnre ontfermherticheit. | |
32[3:33]Want hi en heuet niet des menschen kinderen vernedert: ende afgheworpen wt sijnre herten. | |
33[3:34]§ Lamech Dat hi onder sijne voeten vertreden | |
[pagina *500]
| |
soude alle die gheuanghene vander aerden. | |
34[3:35]Dat hi des mans vonnisse neder bringhen soude: in dat aenscouwen van des alre hoechstes aensichte. | |
35[3:36]Dat hi den mensche verkeren soude in sijnen vonnisse: dat en wiste die here niet | |
36[3:37]Mem § Wie is dese die seide datment doen soude: alst die here niet en beual | |
37[3:38]En sal wt des alren hoechsten monde niet comen: noch guede noch quade dinghen? | |
38[3:39]Wat bemurmureerde een leuende mensche: een man om sijn sonden. | |
39[3:40]Nun. § Ondersoken wi onse weghen ende soken wijse ende keren wi weder ten here. | |
40[3:41]Heffen wi op onse herten mit onsen handen: te gode waert inden hemel. | |
41[3:42]Wi hebben ongherechtelijc ghedaen ende hebben di te gramscappen verporret: hier om en bistu niet te verbiddene. | |
42[3:43]§ Samech. § Du heefste in gramscappen ons ouerdect: ende heefste ons gheslaghen ende niet gespaert. | |
43[3:44]Du hebtste ieghen di een wolke geset: dat die bedinghe niet ouerliden en mach. | |
44[3:45]Du hebtste mi gheset ontwortelen ende afwerpen: in midden den volke. | |
45[3:46]§ Ayn. Si hebben haren mont op mi ontdaen alle mijn vianden. | |
46[3:47]Propheteringe is ons geworden viese stricke ende bedroeftheit | |
47[3:48]Mijn oghe heeft wtgebracht delinghe van wateren: in die bedroeftheit die dochter mijns volcs | |
48[3:49]Phe. Mijn oghe is gequelt ende en zweech niet: om dat ne gheen rust en was. | |
49[3:50]Tot dat die here vanden hemelen dat mercte ende aensach. | |
50[3:51]Mijne oghe heeft mijn ziele beroeft: in allen den dochteren van mijnre poert. | |
51[3:52]§ Sade. § Mine viande hebben mi te danc mit iacht beuaen als enen voghel.. | |
52[3:53]Mijn leuen is gheuallen in enen put: ende si leiden enen steen op mi | |
53[3:54]Die wateren liepen bouen mijn hoeft ic seide ic bin verderft. | |
54[3:55]§ Coph. § Ic aenriep dijnen name here: vanden achtersten putte. | |
55[3:56]Du hoerdeste mine stemme: en kere dijn ore niet of van mijnen ghesuchte ende mijne roepen. | |
56[3:57]Du nakes mi inden daghe dat ic di aenriep: du seides en ontsith niet. | |
57[3:58]§ Res. § Here du hebtste mi ghevonnest die sake mijnre zielen: verlosser mijns leuens | |
58[3:59]here du hebtste haer quaetheit ghesien ieghen mi: vonnesse mijn oerdel. | |
59[3:60]Du hebste ghesien al haren toren: al haer ghepense ieghen mi. | |
60[3:61]Du hebtste ghehoert haren lachter here: alle haer ghedachten ieghen mi. | |
61[3:62]§ Syn. § Die lippen der gheenre die ieghen mi opstaen ende die ghepense haerre herten ieghen mi alle den dach. | |
62[3:63]Haer sitten ende haer opstaen aensich: ic bin haer sanc. | |
63[3:64]Thau Here ghelde hem haer loen. na die wercken van haren handen. | |
64[3:65]Du sultste hem gheuen den schilt der herten: dijnen arbeit. | |
65[3:66]Du sultste hem nauolghen here ende vertredense onder den hemel. |
|