Bible in duytsche (Delftse bijbel 1477)

§ Capittel .xij.

1

ENde in dien dage sultstu seggen. Ic sal dij belyen here want du sijtste op mij vergramt: dijn toorne is bekeert: ende hebtste mi vertroest

2

Siet god is mijn behoudere: ic sal ghetrouwelijc doen ende niet ontsien. Want mijn starcheit ende mijn lof is die here: ende hi is mi ghemaect in salicheit.

3

Ghi sult sceppen water in blijscappen wt des behouders fonteynen:

4

ende in dien daghe suldi segghen beliet den here: ende aenroept sijnen name. Maect kenlijc inden volke sijn vindinghe: gi sult gedencken dat sijn name alre hoechste is.

5

Singhet den here want hij heuet grotelijc ghedaen: ende boetscapt dat in alle die werelt.

6

Verblijde ende loue die woninghe van syon: want groot is in midden van di die heylighe van israhel