Bible in duytsche (Delftse bijbel 1477)

§ Capittel .iiij.

1

ENde seuen wijue sullen begripen enen man in dien daghe segghende Wi sullen onse broot eten. ende ons ouerdecken mit onsen clederen: allene moet dijn naem aengheropen worden op ons doch wech onsen lachter.

2

In dien daghe sal des heren saet wesen in grootheden ende in glorien: ende der aerden vrucht hoghe: ende blijscap den ghenen die behouden worden sullen van israhel.

3

Ende het sal wesen. elc die ghelaten sal sijn in syon ende ouerbliuen sal

[p. *344]

in iherusalem: hi sal heylig worden gheheten elc die ghescreuen is int leuen in iherusalem.

4

Ist dat die here ofdwaet der dochtere van syon smetten. ende hij dwaet dat bluet van iherusalem van midden haerre: inden gheest des oerdels ende inden gheest der hetten.

5

Ende die here sal sceppen bouen alle die stat des berges van syon. ende daer hi anropende is een wolke des daghes: ende roec ende claerheit van barnenden vyer in die nacht. Want bouen allen glorie sal wesen die beschermenisse:

6

ende tabernakel in een scaduwe des daghes vander hetten: ende in sekerheit ende in verberghen vanden bedruysche ende vanden regen