Bible in duytsche (Delftse bijbel 1477)

Ysayas

HIer begint dat boec van ysayas prophecie.

Die welke sine reden is so schone in hebreusche also iheronimus seit bouen die ander propheten soe datmen inden latine die sueticheit sijnre spraken niet en mocht volmaectelijc volbrenghen. Ende hier om soe en ismen niet allene sculdich propheet te hetene. mer oeck ewangelist Want also claerlijc so spreect hi van cristus ende der heyligher kerken verholentheden dat het schijnt dat hi niet en sprac daer of als van dinghen die te gheschien waren. mer als van dien dat hi inden vleysche hadde moghen sien ende horen. Hi propheteerde in iherusalem eer die thien gheslachten van israhel ouer gheuoert worden vanden coninc van assyrien. Ende al ist dat hi als nv spreect vanden rijc van iuda ende als nv van den rijc van israhel nochtan is al sijn meninghe ende sijn voerworp van cristus toecoemst inden vleysche ende vanden bekeeren der heydenen ten kerstenen gheloue ende vanden oerdel ten doemsdaghe. Ende somtijt hem kerende ter historien. So voerseide hi die ghenanghenisse des volcs van iuda in babilo-

[p. *340]

nien. Ende dattet van daer verlost worden soude ende wederkeren in iudea