Bible in duytsche (Delftse bijbel 1477)

§ Capittel .xxv.

1

MAldad van suich antwoerde ende seide.

2

Machte ende vrese is bi hem: die eendrachticheit maecte in sijnen boghen

3

Is enich ghetal van sijnen ridders: ende op wien en riset niet sijn lichte?

4

Mach men enen mensche gherechtich heten teghen god te rekenen: oft mach hi suuer openbaren die gheboren wort van enen wiue?

5

Want siet die mane en schijnt niet ende die sterren en sijn niet suuer in sijnen aenscouwen:

6

hoe veel meer dan enen mensche die vulheit is. ende smenschen kint dat worm is?