Bible in duytsche (Delftse bijbel 1477)

§ Capit .xi.

1

MEr die princen des volcs hebben ghowoent in iherusalem. Ende dat ander volc heeft gheworpen lot. om te nemen een deel van tienen die souden wonen in die heilighe stat iherusalem: mer die negen delen in den steden.

2

Ende tvolc gebenedijde al die mannen die hem willichlic offerden om te wonen in iherusalem.

3

Ende dese sijn die princen der prouincie die ghewoent hebben in iherusalem ende in den steden iuda. Ende een yeghelic heeft ghewoent in sijnre besittinghe in sijnen steden israhel: priesteren. leuiten. subdiaken. ende sonen der knechten salomons.

4

Ende in iherusalem hebben ghewoent vanden sonen iuda: ende vanden sonen beniamin. Van den sonen iuda: athaias een soon aziam. sonen zacharie. sonen amarie. sonen saphatie. sonen malalehel. Van den sonen phares:

5

ismaasia. een soon baruch. een soon coloza. een soon azia. een soon addaia. een soon ioarib. een soon zacharie. een soon silonites.

6

Alle die sonen phares die ghewoont hebben in iherusalem: vierhondert neghen ende tsestich stercke mannen.

7

Mer dit sijn die sonen beniamin. Sellum een soon mosollam. een soon ioed. een soon phadaia. een soon colaia een soon masia. een soon etheel. een soon ysaia.

8

Ende na hem gebbai sellai neghenhondert acht ende twintich.

9

Ende iohel een soon zechri hoer proost: ende iudas een soon sennua die anderde bouen die stat.

10

Ende van den priesteren idaia een soon ioarib. iachin.

11

saraia een soon helchie. een soon mosollam. een soon sadoch. een soon meraioth. een soon ahitob princen des huys gods:

12

ende hoer broederen doende die wercken des tempels. achthondert twe ende twintich. Ende adaia. een soon ieroam. een soon pheleia. een soon amsi. een soon zacharie. een soon phessur. een soon melchie.

13

ende sijn broederen princen der vaderen: twehondert twe ende veertich Ende amasai een soon azrihel. een soon azi. een soon mosollamoth. een soon

[p. *120]

emmer.

14

ende hoer broederen seer machtich. hondert acht ende twintich: ende hoer proost. zabdihel een soon der machtigher

15

Ende vanden leuiten: sebenia een soon asob. een soon azaricam. een soon asabia. een soon boni.

16

ende sabathai ende iozabeth. ouer al die wercken die van buten waren in den huse gods van den princen der leuiten.

17

Ende mathania een soon micha. een soon zebedei een soon asaph een prince tot louen. ende tot belien in ghebede: ende becbecias die anderde van sijnen broederen: ende abda een soon samuha. een soon galal. een soon ydithun.

18

Alle die leuiten in die heilighe stat: twehondert vier ende tachtich

19

Ende die doerwaerders: accub telmon. ende hoer broederen die die doren bewaerden. hondert twe ende tseuentich.

20

Ende die andere van israhel priesteren. ende leuiten in allen steden iuda. een yeghelic in sijn besittinghe:

21

ende subdiaken die woonden in ofel. ende syaha. ende gaspha. Vanden subdiaken.

22

ende bisscopen der leuiten in iherusalem: azzi een soon banni. een soon asabie. een soon mathanie. een soon miche. Vanden sonen asaph: sanghers in den dienst des huys gods.

23

Want tghebot des conincs was op hem: ende ordinancie onder den sangheren doer alle daghen:

24

ende fathaia een soon mesezebel. van den sonen zara. sonen iuda in die hant des conincs na alle woert des volcs:

25

ende in den husen doer alle hoer lantscappen. Van den sonen iuda hebben ghewoent in cariatharbe. ende in sijnen dorpen: ende in dibon ende in sijnen dorpen. ende in capseel. ende in sijnen dorpen:

26

ende in iesue. ende in molada. ende in bethfaleth.

27

ende in asersual. ende in bersabee ende in sijnen dorpen:

28

ende in sicelech. ende in mochona. ende in sijnen dorpen:

29

ende in remmon. ende in sara. ende in iherimuth.

30

zonoa. odollam. ende in horen dorpen: lachis. ende in sijnen lantscappen. azecha ende in sijnen dorpen. Ende sijn gebleuen in bersabee totten dal ennom.

31

Mer die sonen beniamin. ageba. mechmas ende hai. ende bethel. ende sijnen dorpen:

32

anathot. nob. anana.

33

asor. rama. gethai.

34

madid. seboim. neballath.

35

ende ono dorpen der wercluden:

36

ende vanden leuiten delen iude beniamin