Bible in duytsche (Delftse bijbel 1477)

§ Capittel .x.

1

MEr die teikenars hebben gheweest. neemias athersatha. een soon achelai: ende sedechias.

2

saraias. azarias. iheremias.

3

phessur. amarias. melchias.

4

accus sebenia. melluc

5

maarem merimuth. obdias.

6

daniel. genton. baruch

7

mosollam abia. miamin.

8

mazia. belga. semeia. dese waren priesteren.

9

Mer die leuiten: isoue een soon azarie. bennui vanden sonen enadad. cedmihel.

10

ende hoer broederen: sechenia. odenia. celita. phalaia. anan.

11

micha. roob. asebia.

12

zacchur. serebia. sabania.

13

odia. bani. baninu.

14

Die princen des volcs: feros. phetmoab. elam. zethu. bani.

15

bonni. azgad. bebai.

16

adonaya. beggoai. adin

17

ather. ezechia. azur.

18

odeuia. asum. besai.

19

areph. anathot. nebai.

20

mechphia. mosallaz. azir.

21

mesizabel. sadoch. ieddua.

22

felthia. anan. ania.

23

osee. anania. asub.

24

aloes. phaleam. sobech.

25

reum. asebna. madsia.

26

ethaia. hanan. anan.

27

melluch. arem. baana:

28

ende andere vanden volc Priesteren. leuiten. doerwaerderen. ende sanghers. subdiaken. ende alle die hem seluen ghesceit hebben vanden volken der aerden tot die wet gods. hoer wijuen. hoer sonen ende hoer dochteteren. alle die mochten verstaen

29

louende voer hoer broederen: hoer opperste. ende die ghecomen waren te louen ende te sweren dat si wanderen souden in die wet des heren die hi ghegheuen had in die hant moysi sijns knechts: dat si doen souden ende bewaren alle die gheboden des heren ons gods. ende sijn oerdelen. ende sijn cerimonien:

30

ende dat wij niet souden gheuen onse dochteren den volc des landes: ende hoer dochteren niet en souden nemen onsen sonen.

31

Ende die volken des lands die in brenghen dinghen te coop. ende alle dinghen tot ghebrukenisse om te vercopen in den dach des sabboths: en sullen wij niet nemen van hem in den sabboth. ende inden gheheilichden dach. Ende wij sullen laten dat seuende iaer: ende wedereysschinghe alre hant.

32

Ende wij sullen op ons setten gheboden. dat wij gheuen sullen tderde deel eens sikels doert iaer totten werc des huys onses gods:

33

totten broden der voersettinghe. ende tot ewighe offerhande. ende tot ewighe verbarnde offerhande in den sabbaten in den kalenden. in den hoochtijden. ende in gheheilichden tijden. ende voer die sonde. op dat gebeden wort voer israhel: ende in alle ghebrukenisse des huys ons gods

34

Hier om hebben wij loten gheworpen op die offeringhe der houten. onder den priesteren ende leuiten ende tvolc. om ingbedraghen te worden doer die husen onser vaderen doer die tijden van tijden des iaers tot iaer: op si barnen souden opt outaer sheren ons gods als ghescreuen is in die wet moysi.

35

Ende dat wij toebrenghen sullen die eerste gheboren onser aerden. ende al

[p. *119]

eerste vruchten van allen bomen. van iaer tot iaer. in den huse sheren:

36

ende die eerste onser sonen ende beesten als ghescreuen is in die wet: ende die eerste onser ossen ende onser scapen. dat sij gheoffert soude worden in den huse ons gods den priesteren die dienen in den huse ons gods.

37

Ende wij sullen toe draghen die eerste onser spijsen ende onser natten. ende appelen alles houtes. ende des wijns ende olijs den priesteren totter scatcamer ons gods: ende tienden deel ons lands den leuiten. Die leuiten sullen nemen tienden al onser wercken wt allen steden

38

Mer die priester een soon aaron sal sijn mitten leuiten in den tienden der leuiten: ende die leuiten sullen offeren tiende deel hoerre tienden in den huse ons gods totter scatkiste in den huse des scattes.

39

Want die sonen israhel. ende die sonen leui. sullen draghen totten scathuys die eerste vruchten des tarwes ende wijns ende olijs: ende daer sullen sijn die gheheilichde vaten des heren. ende priesteren ende sanghers ende doerwaerders ende dienres: ende wi en sullen niet laten thuys ons gods.