Bible in duytsche (Delftse bijbel 1477)

§ Capittel .vij.

1

DOe ghetimmert was die mure heb ic gheset die doeren. ende ghetelt die doerwaerders. ende sanghers ende leuiten:

2

ende ic heb gheboden aneni mijnen broeder. ende ananie den prince des huys van iherusalem: want hij als een warachtich man ende god ontsiende was meer ghesien dan andere menschen.

3

Ende ic heb hem gheseit. Die poorten van iherusalem moeten niet worden op ghedaen hent totter heetste der sonnen. Ende doe si noch bi mi stonden: sijn die poorten ghesloten ende ghestopt. Ende ic heb gheset bewaerers vanden woonren iherusalem. elc in hoer tijt: ende enen yegheliken teghen sijn huys.

4

Mer die

[p. *112]

stat was seer breet ende groot: ende cleen volc in hoer middel: ende die husen en waren niet ghetimmert.

5

Mer god heeft ghegheuen in mijnre herten: ende ic heb vergadert die opperste ende meesteren ende die ghemeente om die te tellen. Ende ic heb gheuonden een boeck hoers tijns die eerst opgheclommen waren: ende daer in wort gheuonden ghescreuen

6

Dese sijn sonen der pronuincien die op gheclommen sijn van der vangenisse der ouergangers die nabuchodonosor coninc van babilonien ouer ghebrocht had. ende sijn weder ghekeert in iherusalem. ende in iudeam een yeghelic in sijn stat:

7

die ghecomen sijnmit zorobabel: iosue neemias. azarias. raamias. naamin. mardocheus. belsar. mespharat. beggoai. naaum. baana. Tghetal der mannen des volcs israhel.

8

Die sonen pharos. twe dusent hondert ende tweende tseuentich.

9

Sonen saphacia: drie hondert twe ende tseuentich.

10

Sonen area: ses hondert twe ende vijftich.

11

Sonen phetmoab der sonen iosue ende ioab: twe dusent achthondert ende achtien

12

Sonen helam: dusent achthondert vier ende vijftich.

13

Sonen zethua: neghen hondert vijf ende veertich.

14

Sonen zachai seuen hondert tseuentich.

15

Sonen bennui: ses hondert acht ende veertich.

16

Sonen bebai: ses hondert acht ende twintich.

17

Sonen azgad: twe dusent driehondert twe ende twintich.

18

Sonen adonicam: seshondert seuen ende tseuentich.

19

Sonen beguai: twedusent seuen ende tseuentich.

20

Sonen adin: ses hondert vijf ende vijftih.

21

Sonen ather die soon was ezechie: neghen hondert ende acht

22

Sonen asem: drie hondert acht ende twintich.

23

Sonen besai: drie hondert vier ende twintich.

24

Sonen areph: hondert ende twalf.

25

Sonen gabaon: vijf ende tneghentich.

26

Sonen bethleem ende nethufa: hondert acht ende tachtich.

27

Mannen anathot: hondert acht ende twintich

28

Mannen bethamoth: twe ende veertich

29

Mannen chariathiarim cephira ende beroth: seuen hondert drie ende veertich.

30

Mannen rama ende nebo: ses hondert een ende twintich.

31

Mannen machmas: hondert twe ende twintih.

32

Mannen bethel ende chai: twehondert drie ende twintich.

33

Mannen des anderen nebo: twe ende vijftich.

34

Mannen des anderen helam: dusent twehondert vier ende vijftich.

35

Sonen arem: drie hondert twintich.

36

Sonen ihericho: drie hondert vijf ende veertich.

37

Sonen lodadin ende ono: seuen hondert een ende twintich.

38

sonen senaa: drie dusent neghen hondert dertich.

39

Priesteren. sonen idaia in den huse iesua: neghen hondert drie ende tseuentich.

40

sonen emmer: dusent twe ende vijftich.

41

sonen phessur: dusent twehondert seuen ende veertich.

42

sonen arem: dusent ende seuentien.

43

Leuiten. sonen iosue ende cedmihel der sonen oduie: vier ende tseuentich.

44

sanghers. sonen asaph: hondert acht ende veertich.

45

Doerwaerders. sonen sellum. sonen ather. sonen thelmon. sonen accub. sonen athita. sonen sobai. hondert acht ende dertich.

46

subdiaken. sonen soa. sonen asupha. sonen thebaoth.

47

sonen ceros. soonen siaa. sonen fadon.

48

sonen lebana. sonen agaba. sonen

[p. *113]

selmon.

49

sonen anan. sonen geddel. sonen gaer.

50

sonen raahia. sonen rasin. sonen nechoda.

51

sonen iezem. sonen aza. sonen phasea.

52

sonen besai. sonen munim. sonen nephusim.

53

sonen bechue. sonen acupha. sonen azur.

54

sonen besluth. sonen maida. sonen arsa.

55

sonen berchos sonen sizara. sonen thema.

56

sonen nasia. sonen athupha

57

sonen der knechten salomonis. sonen sothai. sonen sopherech sonen pheruda.

58

sonen iahala. sonen dercon. sonen gedel.

59

sonen saphata. sonen athil. sonen focereth. die was gheboren van asbaim den soon ammon.

60

Al subdiaken. ende sonen der knechten salomonis: driehondert twe ende tneghentich

61

Mer dese sijn die opgheclommen van thelmala thelatesa. cherub. adon. ende emmer ende niet en mochten wijsen thuys hoere vaderen ende hoer gheslacht of sij van israhel waren.

62

sonen dalaia sonen tobia. sonen nechoda. ses hondert twe ende veertich.

63

Ende van den priesteren. die sonen iobia. sonen accos. sonen berzellai. die heeft ghenomen van den dochteren berzellai galaaditidis een wijf: ende is ghenoemt na horen naem.

64

Dese sochten hoer scrift in den tijns. ende hebben niet gheuonden: ende sijn wt gheworpen van der priesterscap.

65

Ende athersatha heeft hem geseit dat si niet en soude eten van sancta sanctorum: tot datter stont een gheleert priester ende wijs

66

Al dese scaer als een twe ende veertich dusent ses hondert ende tsestich:

67

sonder die knechten ende dienstmaechden. die waren seuen dusent drie hondert seuen ende dertich: ende onder hem sanghers ende sangsteren twe hondert.

68

Hoer paerden ses hondert seuen ende dertich: hoer mulen twe hondert vijf ende veertich:

69

hoer camelen vierhondert vijf ende dertich: eselen ses dusent seuen hondert ende twintich.

Hier toe wort vertelt wat int register ghescreuen was: voert an wort vertelt die histori neemie.

70

Mer sommighe van den princen der familieu hebben ghegheuen totten werc Athersatha heeft ghegheuen in den scat. duseut dragmen gouds: vijftich scalen ende vijf hondert ende dertich priesters rocken.

71

Ende van den princen der familien hebben ghegheuen totten scat des wercs twintich dusent dragmen gouts ende twe dusent ende twe hondert penninghen siluers.

72

Ende dander volc heeft ghegheuen twintich dusent dragmen gouds: ende siluers twedusent penninghen: ende priesterlike rocken seuen ende tsestich.

73

Ende die priesteren ende leuiten ende doerwaerders ende sanghers ende dander volc ende subdiaken ende al israhel hebben ghewoent in horen steden.