Bible in duytsche (Delftse bijbel 1477)

§ Ca .xxvij

1

MEr die sonen israhel na hoer ghetal princen der familien. ouerste der gheslathten ende heren ouer hondert ende voochden die den coninc dienden na hoeren scaren. ingaende ende wtgaende doer allen maenden inden iaer: elc van hem was bouen vier ende twintich dusent.

2

Bouen die eerste scare in die eerste maent was isboam een soon zabdihel: ende onder hem vier ende twintich dusent.

3

Van den sonen phares: een prince al der princen in den heer in die eerste maent

4

Ende dudiaohites had die scare des anderde maents ende na hem een ander ghenoemt macelloth die regeerde een deel des heers van vier ende twintich dusenden.

5

Ende die leidsman des derde scaers in der derder maent was banaias een soon ioiade priester: ende in sijnre deilinghe vier ende twintich dusent.

6

Dese is banaias die alre scarcste onder dertich: ende bouen dertich. Mer amizadab sijn soon was bouen sijn scare.

7

Die vierde in die vierde maent was asahel een broeder ioab. ende zabedias sijn soon na hem: ende in sijn scare vier ende twintich dusent.

8

Die vijfte in die vijfte maent een prince samaoth iezerites: ende in sijn scare vier ende twintich dusent.

9

Die seste in die seste maendt hira een soon acces

[p. *35]

thecuites: ende in sijn scaer vier ende twintich dusent.

10

Die seeuende in die seeuende maendt helles phallonites van den sonen ephraim: ende in sijn scaer vier ende twintich dusent.

11

Die achte in die achte maent sobochai vsathites van den gheslachte zarai: ende in sijn scaer vier ende twintich dusent.

12

Die neghende in die neghende maent abiezer anathotites vanden sonen iemin: ende in sijn scare vier ende twintich dusent.

13

Die tiende in die tiende maent marai ende hij nethophatites van den gheslachte zarai: ende in sijn scare vier ende twintich dusent.

14

Die elfte in die elfte maent banaias pharathonites vanden sonen ephraim: ende in sijn scare vier ende twintich dusent

15

Die twalfste in die twalfste maent holdai nethophatites vanden gheslachte gothoniel: ende in sijn scare vier ende twintich dusent.

16

Ende ouer den gheslachten in israhel waren heren: den rubeniten. was een leidsman eliezer een soon zechri: den symeoniten een hertoch sophatias een soon macha:

17

die leuiten. asabias een soon chamuel: aaronitis. sadoch:

18

iuda. heliu een broeder dauid: ysachar. amri een soon michael:

19

den zabuloniten. iesmaias een soon abdie: den sonen neptalim. ierimoth een soon oziel:

20

den sonen ephraim. osee een soon ozaziu: den haluen gheslachte manasse. iohel een soon phadaie:

21

ende den haluen gheslachte manasse in galaad. iaddo een soon zacharie: mer beniamin. iasihel een soon abner:

22

ende dan. ezrihel een soon iheroam. Dit sijn die princen der sonen israhel

23

Mer dauid en woude niet tellen die van twintich iaren neder wart: want die heer gheseit had dat hij menichuoudighen soude israhel als die sterren des hemels.

24

Ioab een soon saruie had begonnen te tellen ende hij en heeftet niet volbracht want daer om die toorn gods viel op israhel: ende hier om en is tghetal der gheenre die ghetelt waren niet weder ghebrocht in den boken des conincs dauid.

25

Ende ouer die scatten des conincs was azmoth een soon adihel. Mer ionathan een soon ozie die was bouen den scatten die waren in den steden ende in den dorpen ende in den toornen

26

Mer ezri een soon chelub die was bouen den werc der bouweri ende bouen den acker mannen diet lant bouden:

27

ende semeias romathites was bouen die bouwers der wijngaerden: ende zabdias aphonites die regeerde die wijn cellen.

28

Want ouerdie steden der olibomen ende vijchbomen die waren in den velden was balanan gederites: mer ouer die apteken des olijs was ioas.

29

Ende ouer die beesten die gheuoedet worden in sarona was gheset sethrai saronites: ende op die ossen in den dalen saphat een soon adli.

30

mer op die camelen vbil hismahelites: ende op die eselen. iadias meronathites:

31

ende op die scapen iaziz agarenus Alle dese waren princen des goedes des conincs dauid.

32

Ionathan die oem dauid was raedsman wijs ende gheleert: hi ende iahihel een soon achimoni waren mitten sonen des conincs .

33

Achitophel was oec een raedsman des conincs:

[p. *36]

ende chusi arachites een vrient des conincs.

34

Na achitofel was ioiada een soon banaie ende abiathar. Mer die prince des heers des conincs was ioab