Bible in duytsche (Delftse bijbel 1477)

§ Capittel .xxvi.

1

MEr die deilinghe der doer waerders vanden choriten

2

mesellemia een soon chore: vanden sonen asaph die sonen mesellemie. zacharias die eerste: iadihel die anderde. zabadias die derde. iathanael die vierde.

3

abilam die vijfte. iohannnan die seste. helioenai die seeuende.

4

Mer die sonen obedom. semeias die eerste gheboren: iosabad die anderde. iohaa die derde. sachar die vierde. nathanael die vijfte.

5

amihel die seste. ysachar die seuende. phollati die achte: want god had hem ghebenedijt

6

Mer semeie sijnen soon sijn gheboren soonen voochden hore familien: want het waren seer sterke mannen.

7

Hier om die sonen semeie othni ende raphael. ende obediel. sabad ende sijn broeders seer starcke mannen: ende heliu ende samathias.

8

Alle dese vanden sonen obededom sij ende hoer sonen ende hoer broeders seer starc te dienen twe ende tsestich van obededom.

9

Mer die soonen mesellemie ende hoer broeders seer starck achtien.

10

Van hosa dat is vanden sonen merari semri een prince. Want hij en hadde ghenen eerstgheboren: ende daer om sette hem sijn vader tot enen prince

11

Helchias die anderde. tabelias die derde. zacharias die vierde. Alle dese sonen ende broederen hoza dertien

12

Dese sijn ghesceiden tot doerwaerders: dat sij altoes princen der wachtinghe als hoer broeders souden dienen in den huse des heren.

13

Hier om sijn gheworpen loten rechtuaerdelic: ende den cleinen ende den groten doer hoer huysgesin in een yghelic der poerten

14

Ende dat lot des oosten viel selemie Mer sacharie sijnen soon een seer wijsen ende gheleerden man. toe quam bij lotinghen dat regioen des noerdens.

15

Ende obededom ende sijn soon tottten zuden in welke sijde des huys was daer ouden raet:

16

sephphima ende hosa totten westen bij die poerte die leidet totten wech des opclimmens: bewaringhe teghen bewaringhe.

17

Mer totten oosten ses leuiten ende totten noorden vier des daghes: ende totten suden ghelijc in den daghe vier: ende daer raet was twe ende twe.

18

Ende in den cellen der doerwachters. totten westen vier in den weghe: ende twe ende twe doer die cellen

19

Dit sijn die deilinghe der doer wachteren der sonen chore ende merari

20

Mer achias was ouer die scatten shuys des

[p. *34]

heren. ende die vaten der heilegher dinghen.

21

Ende die sonen dan des soons gersonni. Van ledan princen der familien: ledan ende gersonni ieiheli.

22

Die sonen ieiheli: zathan ende iohel sijn broeders op die scatten shuys des heren

23

amramitis ende ysaaritis ende hebronitis ende hosihelitis.

24

Mer subahel een soon gerson eens soons moysi was gheset ouer die scatten:

25

ende sijn broeder eliezer welcs soon was raabia. ende des soon ysaias. ende des soon ioram. ende des soon zechri. ende des soon selemith.

26

Dese selemith ende sijn broeders ouer die scatten der heilighen. welc dauid die coninc gheheilicht hadde. ende princen der familien rechters ende heren ouer hondert ende leidsmannen des heers

27

van den striden. ende rouen der striden welc gheheilicht hadden tot beteringhe ende ten huysraet des tempels sheren.

28

Ende dese altemael heilichde samuhel die prophete. ende saul een soen cis: ende abner een soen ner. ende ioab en soon saruie: ende alle heilichden die doer die hant salemith ende sijnen broeder.

29

Mer conenias was bouen die saraiten ende sijn sonen tot den werken buten op israhel: om te leren ende te rechten die.

30

Mer van den hebroniten asabias ende sijn broederen seer starcke mannen dusent seuen hondert waren bouen israhel. ouer die iordaen teghent west in allen werken des heren ende in den dienst des conincs.

31

Ende der hebroniten prince was ieria: na hoer familien ende gheslachten. Int veertichste iaer des rijcs dauid sijn ghetelt ende gheuonden seer starke mannen in gazer galaad:

32

ende sijnen broederen van starcker outheit twe dusent seeuen hondert princen der familien Mer dauid die coninc heeft die voer ghset den rubeniten ende gadditen. ende den haluen gheslachte manasse: in allen dienste gods ende des conincs