Bible in duytsche (Delftse bijbel 1477)

[p. *585]

Machabeorum .i.

§ Hier beghint die prologe vander machabeen boecken

Twe boeken der machabeen beteikenen die striden: tusschen die hertoghen der ioden ende tvolc van persen: ende den strijt der sabbaten ende die edele verwinninghe des hertoghen vanden machabeen: wt welcs name dese selue boken sijn ghenoemt Ende dese historie hout oec in. die edel wercken der machabeen die bruederen waren: die onder anthiocho den coninc voer die heilighe wetten wrede pinen hebben gheleden. Ende hoer goddienstige moeder en heefse nyet bescreyt doe sij ghepijnt worden: mer blidelic vermaent tot die glorie der passien.

Hier beghint dat eerste boec vanden machabeen