Bible in duytsche (Delftse bijbel 1477)

[p. *527]

Osee

§ Hier beghint die prologhe vanden twaelf cleyne propheten

DIe twaalf cleen propheten die benauwet sijn in een boec. betekenen veel anders inden geesteliken sin dan si luden in die littere. Ende gheen een ordinancie is bi ons: die is biden ioden.Daer om na dat daer ghelesen wert: so sijn si hier gheordineert Osee is cort ghescreuen in vaersen: ende spreect bi den sinnen Iohel is slecht int beghin. ende doncker int einde: ende tot malachiam toe. hebben si elc hoer sonderlicheit: welc die ioden vermoeden dattet esdras was die meester des wets. Van allen te spreken is nv te lanc. mer ic wil dat gi weet dat malachias was inden tiden aggei ende zacharie.

§ Hier gaet wt die prologhe

Ende hier beghint die eerste prophete osee.