Bible in duytsche (Delftse bijbel 1477)
(2008)–Anoniem Bible in duytsche (Delftse bijbel 1477)–
Auteursrechtelijk beschermd1[6:37]INden vierden iaer leidmen tfondament van sheren huse in die maent zyo: | |
2[6:38]ende inden elfsten | |
[pagina *448]
| |
iaer in die maent ebul. dat is die achste maent. so was thuys volmaect in alle sijn werck. ende mit al sinen huysraet ende hi stichtet seuen iaer | |
3[7:1]Ende salomon stichte sijn huys dertien iaer: ende hi volbrachtet ter volmaectheit | |
4[7:2]Hij maecte oec van lybanus bosschaelgie een huys hondert cubiten lanc. ende vijftich cubiten wijt. ende dertich cubiten hoech: ende vier wanderinghen tusschen cedrinen colummen. Want hi had cedrinen houte doen verhouwen tot colummen: | |
5[7:3]ende hij ouerdecte al die camer mit scutsele van cedren berden: welc camer die onderset was mit vijf ende veertich colummen | |
6[7:4]die dene iegen dander geset waren: | |
7[7:5]ende mit geliker maten stonden si dene ieghen dandere: ende bouen die colummen waren viercante balcken in allen euen effen. | |
8[7:6]Ende dat portale vanden colummen maecte hi vijftich cubiten lanc. ende dertich cubiten wijt: ende een ander portale iegen taensichte vanden groten portale: ende hi maecte die colummen ende die hoofden bouen die colummen. | |
9[7:7]Hi maecte oec die zale vanden troen daer die vonnisse zetel in is: ende hi dectese mit cedren houte vanden pauimente tot bouen: ende thuys daermen in sat om te vonnissen. was in midden den sale mitten seluen wercke gemaect | |
10[7:8]Ende salomon maecte oec een huis pharaons dochter die hi te wiue genomen had. met alsulcken werke als hi dese sale gemaect had. | |
12[7:9]Al van preciosen stenen. die te eenre regulen ende te eenre maten gesaghet waren beide binnen ende buyten: vanden fundamente totter hoecheit vanden muere: ende binnen totten meesten vrijthoue. | |
12[7:10]Want die fundamenten waren ghemaect van groten preciosen stenen. van tien of van achte cubitus: | |
13[7:11]ende daer bouen waren preciose stenen ghesneden vander seluer maten: ende oec maecte hijt van cedren houte. | |
14[7:12]Ende een ander meerre vrijthof al ront mit drie ordinancien van ghesneden stenen: ende van eenre ordinancien. van ghescauen cedren houte: ende oec int nederste vrijthof van sheren huse ende mit portale vanden huys. | |
15[7:13]Ende die coninc salomon sant ende haelde hyram van tyro | |
16[7:14]eenre weduwen sone van neptalyms gheslachte. ende sijn vader was van tyro die een wercman was in metale: ende die vol wijsheden was ende verstandenisse ende conste. om te maken alrehande werck in metale. Ende doe hi ten coninc salomon ghecomen was. soe makede hij elc sijn werc: | |
17[7:15]ende hi goot twe metalen colummen. Ende die een columme had achtien cubitus in die hoecheden: ende een linie twalef cubitus lanc. omwant elke columme. | |
18[7:16]Ende hi maecte oec twee capyteelen diemen setten soude op die hoefden vanden colummen. beide gegoten van metale: dene capiteele was vijf cubitus lanc. ende vijf cubitus was dander capittele lanc: | |
19[7:17]ende als in die maniere eens nets ende van kethenen mit wonderliken werke deen an tander geknocht. Beide die capiteele vanden colummen waren ghegoten. Seuenderleyde netkijns om gaende was in die een capiteele: ende seuenderhande netkijns in dan- | |
[pagina *449]
| |
der capiteele. | |
20[7:18]Ende hi volmaecte die colummen: ende twe ordinancien van elken nettekijn al om en tomme: om dat si die capiteele decken souden die bouen op die appelgarnaten waren. In deser manieren maecte hi den anderen capiteele. | |
21[7:19]Ende die capiteele die waren bouen die hoefde van die colummen waren ghemaect na twerc van eenre lylien van vier cubitus in dien portale: | |
22[7:20]ende echter dander capiteele op deinde vander colummen bouen nader colummen maten ieghen die nettekijns. Ende inden anderen capiteel al om en tomme waren twee hondert appelgarnaten. | |
23[7:21]Ende hij settede die twe colummen inden portale vanden tempele. Ende doe hi die columme ter rechter zide gheset hadde: so hete hijse bij namen iachyn dats vastheit. Hi rechte oec die ander columme: ende hete haer name boos: dats in starcheden. | |
24[7:22]Ende hij settede op die hoefden vanden colummen een werck na die ghelikenisse eenre lylien: ende twerc vanden colummen is volmaect. | |
25[7:23]Ende hi maecte oec enen metalen zee ghegoten tien cubitus wijt vanden enen boorden totten anderen: ront al om en tomme. Haer diepheit was vijf cubitus: een coerdekijn van dertich cubitus gordese al om en tomme. | |
26[7:24]ende een graueringhe ghinc al om die zee onder den boort tien cubitus die zee omgaende. Twee ordinancien van gheprenten historien warenre aen gegoten: | |
27[7:25]ende die zee stont op twaelf ossen Vanden welken die drie scouweden ten noerden waert. ende die drie ten westen waert. ende die drie ten suden waert. ende die drie ten oesten waert: ende die zee was bouen hem. ende haer einden waren al binnen twerc bedect. | |
28[7:26]Ende die dicte vanden lavoer was van drie onsen: ende haer boort was als een kelcken boert. ende als een gecromder lelyen blat Die zee hielt twee dusent bathos: ende drie dusent metreten. | |
29[7:27]Ende hi maecte tien metalen stapelen. elken stapel vier cubitus lanc: ende vier cubitus wijt. ende drie cubitus hoghe: | |
30[7:28]ende twerc vanden stapelen was ondergrauen. Ende prenterien tusschen die sonderinghen: | |
31[7:29]ende tusschen die cronen ende den compassen. waren leuwen ende ossen. ende enghelen: ende inden souderinghen oec bouen. Ende onder die ossen ende leeuwen schenen nederhanghende ringhen van metale: | |
32[7:30]ende an elke stapele maecte hi vier metalen wielen ende assen ende ten vier hoernekijne als scouderkine ghegoten onder tlauoer: ieghen hem seluen scouwende. Ende die mont vanden lauoer was bouen ten einde vanden hoefde inwaert: | |
33[7:31]ende dat buyten openbaerde was al ront van enen cubitus: ende het hadde te gader enen cubitus ende enen haluen. Mer inden hornekijn vanden colummen waren menigherhande prenterien: ende dat middelste tusschen die colummen was viercant ende niet ront. | |
34[7:32]Ende die vier wielen die ten vier hornekijns vanden stapelen waren: si hinghen te gader onder die stapel. Een wiel had in die hoechte een cubitus ende enen haluen | |
35[7:33]Want het waren alsulcke wielen: alsmen in eenen wagen pleghet te maken. Ende haer assen ende haer speken ende haer | |
[pagina *450]
| |
naue ende haer velghen waren al gegoten | |
36[7:34]Want die vier scouderkijns tot allen hornekijn vanden stapele: waren vten seluen stapele gegoten ende te gader geuoecht | |
37[7:35]Want bouen opten stapel was eenre hande rontheit van enen cubitus ende enen haluen: also ghewracht so datmenre bouen tlauoer in setten mochte: | |
38[7:36]ende het had sijn graueringhe ende sijn prenterien wt hem seluen comende. Ende hi graueerde oec in dien tafelen die van metalen waren ende inden hornikens enghelen ende leeuwen. ende palmen als een ghelikenisse eens staens menschen: so dat si niet en schenen gegrauen. mer die daer an gheset waren al om en tomme. | |
39[7:37]In deser maniere maecte hi tien stapelen: van enen gote ende van eenre maten. ende mit ghelike graueringhe. | |
40[7:38]Hij maecte oec tien lauoren van metale. Een lauoer hielt veertich batos: ende het was van vier cubitus. Elke lauoer sette hi op enen stapel. dats op tien stapelen. ende hij settede die tien stapelen. | |
41[7:39]vijf ter rechterzijden vanden tempel: ende vijf ter slinckerziden vanden tempel. ieghen dat oest totten zuden. | |
42[7:40]Ende hyram maecte oec ketels ende pannen ende crauwels: ende hi volmaecte al sconincs salomons werck in sheren tempel. | |
43[7:41]twe colummen. ende coerdekijns vanden capiteelen bouen den hoofden vanden colummen | |
44[7:42]ende vier hondert appelgarnaten inden tween nettekijns: twe regulen vanden appelgarnaten aen elc netkine om te ouerdecken die coerdekine vanden capiteele die bouen die hoofden vanden colummen waren: | |
45[7:43]ende tien stapelen ende tien lauoren op die stapelen: | |
46[7:44]ende een zee. ende twalef ossen onder die zee. | |
47[7:45]ende ketelen ende pannen ende crauwels Alle die vaten die hyram maecte den coninc salomon in sheren huys: die waren van latoen. | |
48[7:46]Ende die coninc goetse int campaendgen lant vander iordanen in leemachtich lant: tusschen sarthan ende sochot. | |
49[7:47]Ende salomon settede alle die vaten in sheren huys. Want om die grote menichte. soe en was ne ghene ghewichte vanden metale. | |
50[7:48]Ende salomon maecte alle die vaten in sheren huys: ende den gouden outaer: ende die gulden tafel daermen op leggen soude die broden der proposicien: | |
51[7:49]ende gulden candelaers van finen goude vijf ter rechterziden. ende vijf ter slinckerziden. ieghen die oracule wt finen goude: ende ghelijc blomen van lelyen. ende gulden lichtuaten daer bouen. ende die gulden scaerkijns. | |
52[7:50]ende cruken. ende crauwels. ende violen. ende moertierkens ende wieroecuaten van alte finen goude: ende die herren der doren vanden binnensten huus. voer sancta sanctorum. ende die doren van thuys vanden tempel waren van goude. | |
53[7:51]Ende hij volmaecte al twerc dat salomon maecte in sheren huys: ende hi bracht in dat dauid sinen vader vergift hadden tgout ende tsiluer ende die vaten: ende hi leidet inden tresoer van sheren huys |
|