Bible in duytsche (Delftse bijbel 1477)

§ Capittel .xix

1

DAndere lotte quam vte op symeons kindere bi haren maechscepen: ende haer erfachticheit was in midden der possessien van iudas kinderen

2

bersabee ende sabee ende molada

3

ende asersua ende baala ende asem

4

ende heltholad ende bethularma

5

ende syrelech ende bethmarchaboth asersua

6

ende bethlepaboth ende sarohem dertien steden ende haer dorpen

7

Ayn ende remmon ende athar ende asan vier steden ende haer dorpen.

8

Alle die weghen al om ende tomme dese poorte tot balaadberchameth ieghen die zuytzide. Ende alle deser steden waren seuentien

9

Dit is symons kinder erfachticheit. bi haren maechscepen binnen den terminen ende der possessien van iudas kinderen want die meerre was: ende hier om besaten symons kindere in midden haerre erfachticheit

10

Dat derde loth viel zabulons kinderen bi haren maechschepen: ende die termine vander possessien der kinderen zabulons wort ghemaect tot sarith toe.

11

Ende hij gaet ter zee temedalaa. ende comt in debbaseth totter riuieren die ieghen ieconan is

12

ende hi keert weder van sarith ieghen toeste int einde van sirelech ende thabor: ende hi comt wt in dabereth: ende gaet op ieghen iasie.

13

ende van daer lijdt hi ouer ter oestsiden van gethephar ende

[p. *302]

chathasin. ende hi gaet vte in remmonamphar ende noa.

14

ende hi gaet om ten noerden ende nathon ende sijn wtghange sijn die valeye van ieptahel

15

ende cathetet ende naalol ende sermon ende iedaba ende bethleem twalef steden ende haer dopen.

16

Dat is die erfachticheit van zabulons kindere bi haren maechscepen: haer poorten ende haer wegen.

17

Dat vierde lotte quam vte op ysachar bi sinen maechscepen:

18

ende haer erfachticheit was iezrahel ende casaloth ende suuem

19

ende affraim senon ende naarath

20

ende rabboth ende chesien haemes

21

ende rameth ende enganni ende henadda ende bethfeses:

22

ende sine termine coemt tot thabor ende seesmia ende bethsemes: ende sijn wtgangen sullen wesen ter iordanen sestien steden ende haer dorpen.

23

Dit is ysachars kindere possessie bi haren maechscappen ende haer poorten ende haer weghen.

24

Dat vijfste loth viel op tgheslachte van asers kinderen bi haren maechscepen:

25

ende hore termine was alchat ende cali ende bethen ende axab

26

ende elmeleth ende amaad ende messal. ende hi coemt totter carmele van der zee ende syor ende labana.

27

ende hi keert weder ieghen die oestzide bethdagon. hi coemt tot zabulon ende totter valeye ieptael ieghen die noortzide in bethemeth ende neiel: ende hij coemt wt ter slinckerzide van cabul

28

ende acran ende roob ende amon ende chana totten groten sydonen:

29

ende hi keert weder om orma tot eenre alten vasten stat tyrum ende tot ozam: ende sijn wtghanghen sullen wesen in die zee vanden terminen acziba

30

ende amma ende afeg ende roob twee ende twintich steden ende haer dorpen

31

Dit is azers kindere possessie bij haren maechscappen die poorten ende haer weghen.

32

Dat seste loth viel neptalims kinderen bi haren familien:

33

ende die termine begonste van beleb ende helon sannamin. ende adami dat is neceb ende iebnahel. tot lecun. ende sijn wtganc is totter iordanen:

34

ende die termine keert weder ieghen die westzide in azauoth thabor. ende van daer gaet hi in vcuca. ende lijt ouer in zabulon ieghen die zuytzide ende in aser ieghen die westzide: in iuda ter iordanen iegen der sonnen opganc

35

al te vaste steden: assedim ser ende ammad ende rechath ende cenereth

36

ende edema ende rama asor

37

ende cedes ende edrai nasor

38

ende ieron ende magdihel horez ende bethanath ende bethsemes neghentien steden ende haer dorpen.

39

Dit is die possessie des gheslachts van neptalims kinderen. bi haren maechscappen die poorten ende haer weghen.

40

Dat seuende loth quam vten gheslachte van dans kinderen bi haren familien:

41

ende die termine van hare possessie was saraa ende hestaol ende hair semes. dats der sonnen stat:

42

selebin ende ahialon ende iethela

43

helon ende themna ende achron

44

helcheten iebton ende baaladiud

45

ende bane ende barach ende iethremmon

46

ende ihercon ende arechon mit sinen terminen die ioppen scouwet

47

ende in dien eynde wort hi beloken. Ende dans sonen ghinghen op ende vochten iegen lesen. ende wonnense. ende sloghense int zwaerts mont: ende besatense ende woendenre binnen: ende heten haren naem lesen dan nae haers vaders dans na-

[p. *303]

me.

48

Dit is die possessie des gheslachte van dans kinderen bi haren maechscappen: haer poorten ende haer weghen

49

Doe iosue voldaen hadde elken tlant deylende bi sinen gheslachten: soe gauen die kinder van israhel iosue nuns soen possessie in midden hem luden

50

na sheren gebot. een poorte die hi eyschede ende hete tamnathsara in effrayms berghe. Ende hi stichte die stede ende woender binnen.

51

Dit sijn die possessie die eleasar den pape ende iosue nuns soen ende die princen vanden familien ende vanden geslachten der kinder van israhel deelden mitten lotte in sylo: vorr den here voer die dore der tabernaculen der oercontscap: ende si deelden tlant.