Bible in duytsche (Delftse bijbel 1477)

§ Ca .xv.

1

DIt was iudas kindere loth bi haren maechscappen: van edoms termine vander wildernissen sin ieghen tsuden. ende totten achtersten einde vander zuitziden.

2

hoer beghin was vander hoecheit ter souter zee. ende van haren einden dat tsuden scouwet:

3

ende het gaet wt ieghen den opganc vanden scorpelione ende hi lijt ouer in syna. ende hi gaet op in cadesbarne. ende coemt in esrom. ende gaet op tot daram. ende gaet om cariathaa

4

ende van daer lijt hi ouer in asemona. ende coemt totter riuieren van

[p. *297]

egipten: ende sine terminen sullen zijn die grote zee. Dit is deynde vander zuytziden.

5

Mer van oest sal tbeghin wesen die soute zee totten einde vander iordanen. ende die zide die ten noerden waert scouwet vander arme vander zee totter seluer riuieren vander iordanen:

6

ende die termine gaet op in betagla: ende lijt ouer ten noerden in betharaba. ende coemt op totten stene boem die rubens soen is.

7

ende hi gaet ouer totten termine van debera. van achors valeye scouwende galgala ieghen tnoerden. die iegen den opganc is adommim vander zuytziden der riuieren ende hi gaet ouer den wateren diemen heet der sonnen fonteyne. ende sijn wtganghen sullen wesen ter fonteynen roghel:

8

ende hi gaet op doer die valeye van emons sone in die zide van den iebuzeen ten zuden. Dit is iherusalem: ende van daer heeft hi hem opten top vanden berghe die ieghen iehemon is ten westen. van bouen der valeyen raphim ieghen tnoerden:

9

ende hi lijt ouer vanden toppe vanden berghe totter fonteynen des waters nepthoa. ende comt toten wegen sberghes ephron: ende hi daelt neder in bala dat is chariathiarim. dat is die poorte der bussche.

10

ende hi gaet om van bala ieghen tweste totten berghe seyr: ende hi lijt ouer neuen die zide des berghes iarim ten noerden in cheslon hij gaet neder in bethsames: ende lijt ouer in chamua

11

ende hi coemt ieghen tnoerden mitter siden anden termine van ackeers: ende hij daelt neder te secrona ende lijt ouer den berch baala. ende hi comt in iebneeb:

12

ende ieghen twest wort hi besloten int einde vander groter zee. Dit zijn iudas kindere termine bi haren maechscappen al om ende tomme

13

mer caleph iephone soen gaf hi sijn dele in midden den kinderen van iuda also hem die here beuolen had cariatharbe die enachs vader was. dit is hebron:

14

ende caleph deelder drie enachs sonen. sesay hayman tholmay van enachs gheslachte:

15

ende van daer ghinc hi op ende quam totten ghenen die in dabir woenden die te voren cariathsepher hiet dat is die stede vanden letteren.

16

Ende caleph seide. Die cariathsepher slaet ende wint: ic sal hem axam mijnre dochter gheuen te wiue.

17

Ende othomhel cenz soen wanse calephs ioncste brueder ende hi gaf hem axam sijnre dochter te wiue.

18

Ende doe si inden weghe voer so riet haer. haer man dat si van haren vader enen acker eysschen soude: ende si versuchte daer si opten ezel sat. Ende caleph seide haer wat heeftu.

19

Si antwoerde Geeft mi benedietie. Du heefste tsuden lant ende dorre gheheuen mi: ghiffer mi toe versch lant. hier om gaf haer caleph versch onder ende versch bouen

20

Dit is die possessie van iudas kinderen ghestachte bi haren maechscepen:

21

ende dit waren sijn steden vanden achtersten einde der kindere van iuda. neuen die termine van edom ter zuytziden cabseel ende eder ende iagur

22

ende cyna ende dimona ende adada

23

ende cedes ende azor. ende iethan

24

ende ziph ende thelem. baloth

25

nyeu azor carioth

26

ende iesrom dits asoroman same ende meloda

27

ende azar gadda assemoth ende bethfeleth

28

ende azersual ende bersabee ende baziothia

29

ende abaala ende hum ende

[p. *298]

efem

30

ende heltholad ende exul ende zarma

31

sicelech ende medemena ende sensenna

32

lebaoth ende selym ende ahem remmon. alder steden was negen ende twintich ende hoer dorpen.

33

Mer inden campangen waren estaol ende sarea ende asena

34

ende azone ende enganim ende thaphua ende enaym

35

ende ierimoth ende adulam ende socho ende azecha

36

ende sarim ende adithaim ende gedera ende giderothaim: viertien poerten ende haer dorpen.

37

Sanan ende adasa ende magdalgad

38

deleam ende masepha ende inectel

39

lachis ende baschat ende eglon

40

ende cebbon ende leemas techis

41

ende gideroth ende betdagon neama ende macheda sestien steden ende haer dorpen

42

Labana ether ende asan

43

ende iephta ende esna ende nesib

44

ende ceyla ende achzib ende maresa neghen steden ende haer dorpen.

45

akers mit haren dorpen ende haren weghen.

46

Van akers totter zee al dat te azothen waert leit ende haer wege.

47

Azothen mit haren dorpen ende wegen Gaza mit haren wegen ende haren dorpen totter riuieren van egipten. ende die grote zee is haer termine

48

ende inden berch samir ende iechter ende socchoth

49

ende edenna cariathsenna dit is dabir:

50

anab ende histemo ende anym

51

gozen ende olon ende gylo: elf steden ende haer dorpen.

52

Arab ende roma ende esaan

53

ende ianum ende bethafua ende afecha

54

ende athinacha ende chariatharbe dits hebron ende syor neghen steden ende haer dorpen.

55

Mahon ende chermel ende ziph ende loche

56

ende iesrahel ende iucadam ende zanoe

57

accaym gabaa thanna thien steden ende haer dorpen

58

Alud ende bethsor ihedor

59

mareth ende bathanoth ende helthecen: ses steden ende haer dorpen.

60

Cariathbaal dits chariathiarim die poorte vanden bosschen ende arebba: twe steden ende haer twe dorpen

61

Inder wildernissen waren betharaba meddyn ende sacha

62

ende nebsan: ende die steden vanden sout ende engaddi ses steden ende haer dorpen. Dit waren te gader hondert ende vijftien.

63

Mer den iebuzeen die in iherusalem woende en mochten iudas kinderen niet verdriuen: ende die iebuzeus woende mit iudas kinderen in iherusalem tot in desen dage