Bible in duytsche (Delftse bijbel 1477)

Deuteronomium

Ende hier beghint deutronomium ende dat bediet die ander wet dat is die boeck der wet ende heet also. Want moyses voer sijn doot doe hi steruen soude soe verclaerde hi den volc van israhel die wet daer in. Ende desen boec leidmen in gods fertel of in die arke der beloften dat is biden guldenre cannen daer manna in was dat was vanden hemelschen brode daer god dat volc mede voede in der woestinen veertich iaer.