Bible in duytsche (Delftse bijbel 1477)

§ Ca .xxvi

1

NA dien datter misdadigher bluet wtghestort was: so seide die here tot moysen ende tot eleazar aarons des papen soen.

2

Tellet alle die somme der kinder van israhel van twintich iaren ende daer bouen biden husen ende familien ende haren maechscappen: ende alle die ghene die ten stride gaen moghen

3

Ende moyses ende eleazar die pape spraken aldus inden campaengen van moab op

[p. *211]

die iordane ieghen iericho totten ghenen die waren

4

van twintich iaren ende daer bouen also die here beuolen had: van welken dit ghetal is.

5

Ruben was israhels eerst gheboren soon. des sone was enoch. vanden welken die familie was van enochs kinderen: ende phallu vanden welken was die familie phallu kinderen:

6

ende esrom. vanden welken was die familie van esroms kinderen ende charmi. vanden welken was die familie van charmi kinderen.

7

Dit sijn die familie van rubens geslachte: vanden welken dat ghetal gheuonden is drie ende veertich dusent seuen hondert ende dertch

8

Phallu sone was hilyab:

9

des sonen waren phamuhel ende dathan ende abyron. Dit sijn dathan ende abiron. die princen vanden volke die op stonden ieghen moysen ende aaron in chore gheruchte. doe si ieghen den here streden:

10

ende die aerde ondede haren mont ende verslant chore daerre vele starf: doe dat vyer verbrande die twe hondert ende vijftich mannen. Ende het gheschiede groot wonder:

11

dat chore verderft wort ende dat sijn kinderen niet en storuen.

12

Symeons sonen bi haren maechscappen: namuhel. van desen was die familie van namuhels kinderen: iamin. van desen was die familie van iamins kinderen: iachin. van desen was die familie van iachins kinderen:

13

zare. van desen was die familie van zare kinderen: saul. van desen was die familie van sauls kinderen.

14

Dit sijn die familien van symeons geslachte: vanden welken al dat ghetal was twe ende twintich dusent ende twe hondert.

15

Gads sonen biden maechscapen ende haerre vader husen: sephon. van desen was die familie van sephons kinderen: aggi. van desen was die familie van aggi kinderen: suni. van desen was die familie van suni kinderen:

16

osni. van desen was die familie van osni kinderen: her. van desen was die familie van hers kinderen:

17

arod. van desen was die familie van arods kinderen: arihel. van desen was die familie van arihels kinderen.

18

Dit sijn die familien uan gad: uan welken al dat getal was ueertich dusent ende vijf hondert

19

Iudas sonen. waren her ende onan die beide storuen int lant uan chanaan.

20

Iudas sonen waren bi haren maechscappen: sela. uan welken was die familie uan sela kinderen: phares. van welken was die familie van phares kinderen: zare. van welken was die familie uan zare kinderen.

21

Oec waren phares sonen bi haren maechscappen: esrom. van welken was die familie uan esroms kinderen: ende amul. van welken was die familie uan amuls kinderen.

22

Dit sijn iudas familen: uanden welken was al dat ghetal ses ende tseuentich dusent ende vijf hondert

23

Isachars sonen waren bi haren maechscappen ende hare uader husen: thola. van welken was die familie van tholas kinderen: phua. van welken was die familie van phua kinderen:

24

iasub. van welken was die familie van iasubs kinderen: semran. uan welken was die familie van semrans kinderen.

25

Dit sijn ysachars maechscappen: vanden welken dat getal was vier ende tsestich dusent ende drie hondert.

26

Zabulons sonen waren

[p. *212]

biden maechscappen haerre vaderen: sared van welken was die familie van sareds kinderen: helon. van welcken was die familie van helons kinderen: ialel van welken was die familie van ialels kinderen.

27

Dit sijn zabulons maechscappen: vanden welken dat ghetal was tsestich dusent ende vijf hondert.

28

iosephs sonen bi haren maechscappen waren: manasses ende ephraim.

29

Van manasses wort machir gheboren: van welken was die familie van machirs kinderen. Machir wan galaad: van welcken was die familie van galaads kinderen.

30

Galaad had kinderen: iezer vanden welken was die familie van iezers kinderen: ende elech: vanden welken was die familie van elechs kinderen:

31

ende asrihel vanden welken was die familie van asrihels kinderen: ende sechen vanden welcken was die familie van sechems kinderen:

32

ende semida. vanden welken was die familie van semida kinderen: ende epher. vanden welken was die familie van ephers kinderen.

33

Ende epher was salphaads vader. die gheen sonen en had mer hi had allene dochteren vanden welken dit die mannen sijn: maala. ende noha. ende egla. ende melcha. ende thersa.

34

Dit sijn die familien van manasses: ende al haer ghetal was twe ende vijftich dusent ende seuen hondert.

35

Dit waren ephraims sonen bi haren maechscappen. Suthala vanden welken was die familie van suthula kinderen: becher vanden welken was die familie van bechers kinderen: tehen. vanden welken was die familie van tehens kinderen.

36

Ende heran was suthula sone: vanden welken was die familie van herans kinderen.

37

Dit sijn ephrayms kinderen maechscappen: ende al haer ghetal was twe ende dertich dusent ende vijf hondert. Dit sijn iosephs sonen bi haren familien.

38

Beniamins sonen waren inden maechscappen haerre vaderen: bale. uanden welke was die familie van balees kinderen: azbel. vanden welken was die familie van azbels kinderen: achiram. vanden welken was die familie achirams kinderen:

39

supham. vanden welken was die familie van suphams kinderen: vpham. vanden welken was die familie van vphams kinderen

40

Bale sonen waren: hered ende noeman. Van hered. was die familie van hereds kinderen: van noeman. was die familie van noemans kinderen.

41

Dit sijn beniamins kindere bi haren maechscappen: vanden welken dat ghetal was vijf ende veertich dusent ende ses hondert.

42

Dans sonen waren bi haren maechscappen ende haren husen: suhan. vanden welken was die familie van suhans kinderen. Dit sijn dans maechscappen.

43

Si waren al van suhan bi haren familien: vanden welcken dat ghetal was vier ende tsestich dusent ende vier hondert.

44

Asers sonen bi haren maechscappen ende hare vader husen waren: iemna. van welken was familie van iemna kinderen: iessui vanden welken was die familie van iessui kinderen: brie. vanden welken was die familie van brien kinderen.

45

Brien sonen waren haber. van welken was die familie van habers kinderen: ende melchiel van welken was die familie

[p. *213]

van melchiels kinderen.

46

Asers dochter name was sara.

47

Dit sijn die maechscappen van asers sonen: ende haer ghetal was drie ende vijftich dusent ende vier hondert.

48

Neptalims sonen biden maechscappen hare vader husen: iessihel. vanden welken was die familie van issihels kinderen: guni. vanden welken was die familie van gunis kinderen:

49

iaser. vanden welken was die familie van iasers kinderen: sellem vanden welken was die familie van sellems kinderen.

50

Dit sijn die maechscappen van neptalims sonen bi haren familien: vanden welken dat ghetal was. vijf ende veertich dusent ende vier hondert.

51

Dit is die somme der kinder van israhel die ghetelt waren. ses hondert dusent. seuentien hondert ende dertich.

52

Ende die here sprac tot moysen ende seide.

53

Desen salmen dat lant deylen na dat getal van haren namen in haren possessien.

54

Der meester menichten sulstu dat meeste deel gheuen. ende der minster menichten sulstu dat minste deel gheuen: elken also si nu getelt sijn salmen die possessie leueren:

55

also nochtan dattet loth dat lant deylen sal den geslachten ende den familien.

56

Soe wat dat mitten loth vallen sal: dat sullen die meeste of die minste nemen

57

Dit is oec dat ghetal van leuijs kinderen biden familien ende hare vader husen. Gerson. vanden welken was die familie van gersons kinderen: caath. vanden welken was die familie van caaths kinderen: merari. vanden welken was die familie van merarijs kinderen.

58

Dit sijn die familien van leui. Die familie van bobni. die familie van hebrom. die familie van mooli. die familie van musi. die familie van chori. Caath van amram

59

die te wiue hadde iochabed leuijs dochter. die hem gheboren was in egipten Dese ghebaerde amram haren man sonen aaron ende moysen: ende mariam haer suster.

60

Van aaron worden geboren nadab ende abiu ende eleazar ende ythamar

61

vanden welken nadab ende abiu storuen. doe si vreemt vyer voerden here offerden.

62

Ende alle dier ghetelt waren: waren drie ende twintich dusent van mans maecsel van eenre maent out ende daer bouen: die niet getelt en waren onder die kinder van israhel: noch hem en was mitten anderen gene possessie ghegeuen.

63

Dit is dat ghetal der kinder van israhel. die bescreuen waren van moysen ende eleazar den paep inden campaengen van moab op die iordane teghen iericho:

64

inden welken niemant en was die ghetelt waren vanden ghenen die op moysen ende aaron murmureerden inder wildernisse van synai

65

Want die here had voerseit dat sij al steruen souden inder woestinen. Ende nyemant en duerde van hem luden: sonder caleph iephone soen ende iosue nuns soen