Bible in duytsche (Delftse bijbel 1477)
(2008)–Anoniem Bible in duytsche (Delftse bijbel 1477)–
Auteursrechtelijk beschermd1[16:36]ENde die here sprac tot moysen ende seide. | |
2[16:37]Beuele eleazar aarons des papen soen dat hi neme die wieroex vaten die legghen inden brande: ende dat hi dat vyer hier ende daer stroeye: want si sijn geheilicht inder sondaren doot: | |
3[16:38]ende dat hi daer platen of make. ende nagheltse anden outaer. om datter den here in gheoffert was wieroec ende om dat si gheheilcht sijn: ende om datse | |
[pagina *198]
| |
die kinder van israhel aensien sullen tot enen teyken | |
4[16:39]Dus nam eleazar die paep die coperen wieroecuaten. daer si den wieroec in gheoffert hadden die dat vier verbrandese. ende hi maecte daer platen of. ende nageldese inden outaer: | |
5[16:40]om dat die kinder van israhel daer na hebben souden daer si bi vermaent souden worden. dat gheen vreemde ende die van aarons zade niet en waer soude voertcomen. om den here wieroec te offeren: dat hi niet en ghedoge als chore ende alle sijn vergaderinghe ghedogeden: biden here die dat tot moysen seide. | |
6[16:41]Alle die menichte der kinder van israhel murmureerden des anderen dages ieghen moysen ende aaron ende seiden. Ghi hebt des heren volc gedodet. | |
7[16:42]Ende doe dat perlement verrees ende dat gherucht wies: | |
8[16:43]so vloen moyses ende aaron ten tabernakel der beloften Ende doe si daer inghegaen waren soe ouerdecte een wolke den tabernakel: ende des heren glorie openbaerde. | |
9[16:44]Ende die here seide tot moysen. | |
10[16:45]Gaet wech van midden deser menichten: nu sal icse oec ofdoen. Ende doe si op die aerde laghen: | |
11[16:46]so seide moyses tot aaron. Neem een wieroecs vat. ende scep vyer vten outaer ende legter wieroec bouen. ende ganc haestelic totten volke: dattu bitste voer hem. Want die gramscap is te hant wtgegaen vanden here: ende die plaghe is ghewassen. | |
12[16:47]Doe dat aaron gedaen hadde. ende hi ghelopen was totten middewaert vander menichten die te hant die brant verderfde so offerde hij thimiama: | |
13[16:48]ende hi stont tusschen die dode ende die leuende ende bat voer dat volc: ende die plaghe minrede. | |
14[16:49]Ende der gheenre die ghesleghen sijn waren viertien dusent ende seuen hondert menschen: al sonder die verdoruen in chore geruchte. | |
15[16:50]Ende aaron keerde weder tot moysen ter doren vanden tabernakel der beloften: na dien dat die verderfenis rustede. | |
16[17:1]Ende die here sprac tot moysen ende seide. | |
17[17:2]Spreect totten kinderen van israhel: ende neem van hem sonderlinghe rueden na haren maechscappen van allen den princen twaelf rueden: ende elcx naem suldi scriuen op sijn ruede. | |
18[17:3]Mer aarons naem sal wesen in leuijs gheslachte: ende een ruede sal al die familien onthouden: | |
19[17:4]ende du sulstese legghen in die tabernakel der beloften voer die oercontscap: daer ic tot di spreken sal. | |
20[17:5]Dien ic van desen kiesen sal sijn ruede sal bloeyen: ende ic sal van mi verbieden der kinder van israhels claghen: daer si mede teghens v murmureren. | |
21[17:6]Ende moyses sprac totten kinderen van israhel: ende alle die princen van elken gheslachte. gauen hem rueden. Ende der rueden waren twaelf al sonder aarons ruede. | |
22[17:7]Ende doese moyses al voerden here gheleit hadde in die tabernakel der oercondscap: | |
23[17:8]des anderen daghes doen hi daer in quam soe vant hi dat aarons ruede in leuijs huys gegruyt was. ende daer die knoppen wt sproten waren blomen wtgecomen: ende si hadden haer bladerkijns ghespreyt ende waren gheformeert in amandalen. | |
24[17:9]Daer om brochte moyses alle die rueden voert van des heren aen- | |
[pagina *199]
| |
scouwen voer alle die kinder vani srahel: ende si saghent ende elc ontfinc sijn ruede weder. | |
25[17:10]Ende die here seide tot moysen. Draghe aarons ruede weder in die tabernakel der oercondscap. dat sij daer worde ghehouden in een teyken der rebelre kinder van isrhel: dat haer claghen van mi rusten sullen. ende dat si niet en steruen | |
26[17:11]Ende moyses dede also die here beuolen had. | |
27[17:12]Ende die kinder van israhel seiden tot moysen Sich wij sijn verteert wi verderuen al | |
28[17:13]Soe wie totten tabrnakel des heren gaet. hi steruet. Sullen wi alle steruen of worden ghedaen totter doot? |
|