Bible in duytsche (Delftse bijbel 1477)

(2008)–Anoniem Bible in duytsche (Delftse bijbel 1477)– rechtenstatus



§ Capittel .vij.
1 HEt ghesciede in dien daghe dat moyses die tabernakel volmaect hadde ende hijt gerechte. ende hijt saluede ende hijt heilichde mit alle sinen vaten. ende den outaer oec mit alle sinen vaten:
2 so offerden die princen van israhel ende die hoofden vanden familien. die in elken gheslachte waren der geenre voerbarichste die ghetelt waren giften voerden here: ses ouerdecte wagenen mit twaelf ossen.
3 Die twe princen offerden enen waghen. ende elc enen osse: ende si brochtense voerdn tabernakel
4 Ende die here seide tot moysen.
5 Ontfancse van hem luden dat si dienen inden dienste des tabernakels: ende du sulstese leueren den leuiten na die ordinancie haers dienstes.
6 Ende doe moyes dus ontfaen had die waghenen ende die ossen: so leuerde hise den leuiten.
7 Gersons sonen gaf hij twe waghenen ende vier ossen. na dat si te doen hadden:
8 mer die ander vier waghenen ende acht ossen gaf hi merarijs sonen na haren officen ende oefeninghe: onder ythamars hant aarons des papen sone.
9 Mer caaths sonen en gaf hi gheen waghenen noch ossen: want si dienden in die sanctuarie: ende si droghen haer lasten mit haren halse.
10 Die princen offerden dus haer offerhande inder consecracien vanden outaer: opten dach dat hi gesaluet was haer offerhande voerden outaer.
11 Ende die here seide tot moysen. Elc prince sal offeren ghiften inder consecracien vanden outaer op enen sonderlin-
[pagina *182]
ghen dach.
12 Opten eersten dach offerde sijn offerhande naason aminadaps sone van iudas geslachte:
13 ende daer was in een silueren platele. die woech hondert ende dertich cyclen. ende enen silueren phiale die tseuentich cyclen had ter maten vander sanctuarie. beide vol blomen gheslaghen mit olye in sacrificie
14 ende een gulden moertierken van tien cyclen vol wieroecs:
15 enen osse vanden vee ende enen ram ende een eeniarich lam in holocauste
16 ende enen bock voer die sonde:
17 ende in sacrificie van danckelicheden twe ossen. vijf rammen. vijf bocken: ende vijf eeniarighe lammeren. Dit is naasons aminadaps soens offerhande.
18 Ten anderen daghe soe offerde sijn offerhande nathanael suars sone die hertoghe van ysachars geslachte.
19 een siluere plateel die woech hondert ende dertich cyclen: ende een silueren phiale die hadde tseuentich cyclen ten ghewichte vander sanctuarie: beide vol blomen beslegen mit olye in sacrificie:
20 een gulden mortierken dat tien cyclen hadde vol wieroecs:
21 enen osse vnnden vee ende enen ram. ende een eeniarich lam in holocauste
22 ende enen bock voer die sonde:
23 ende in sacrificie van danckelicheden twe ossen. vijf rammen. vijf bocken: ende vijf eeniarige lammeren. Dit was nathanaels suars soens offerhande.
24 Ten derden daghe offerde die prince van zabulons kinderen helyab helons sone
25 een silueren platele die woech hondert ende dertich cyclen. een silueren phiale die tseuentich cyclen hadde ten ghewichte vander sanctuarie. beide vol blome belegen mit olye in sacrificie:
26 een gulden moertierken dat woech tien cyclen vol wieroecs:
27 enen osse vanden vee ende enen ram. ende een eeniarich lam in holocaust
28 ende enen bock voer die sonde:
29 ende in sacrificie van danckelicheden twee ossen: ende vijf rammen. vijf bocken: ende vijf eeniarighe lammeren. Dit was helyabs helons soens offerhande.
30 Ten vierden daghe offerde die prince van rubens kinderen helysur sedeurs sone.
31 enen silueren platele die woech hondert ende dertich cyclen. een silueren phiale die tseuentich cyclen had ten gewichte vander sanctuarie. beide vol blomen besleghen mit olye in sacrificie:
32 een gulden moertierken dat tien cyclen had vol wyeroecs:
33 enen osse vanden vee ende enen ram ende een eeniarich lam in holocaust.
34 ende enen bock voer die sonde:
35 ende in sacrificie van danckelicheden twe ossen vijf rammen. vijf bocken: ende vijf eeniarige lammeren. Dit was helysurs sedeurs soens offerhande.
36 Ten vijfsten dage offerde die prince van symeons kinderen salamiel surisaddais sone
37 een silueren platele die woech hondert ende dertich cyclen. een silueren phiale die had tseuentich cyclen ten ghewichte vander sanctuarie. beide vol blomen beslegen mit olye in sacrificie.
38 een gulden moertierken dat tien cyclen had vol wieroecs:
39 enen osse vanden vee ende enen ram ende een eeniarich lam in holocaust:
40 ende enen bock voer die sonde:
41 ende in sacrificie van danckelicheden twe ossen. vijf rammen. vijf bocken: vijf eeniarighe lammeren. Dit was salamiels offerhande
[pagina *183]
surisaddais sone.
42 Ten sesten dahge offerde die prince van gads kinderen helyazaph duels sone
43 een silueren platele die woech hondert ende dertich cyclen. Een silueren phiale die had tseuentich cyclen ten ghewichte vander sanctuarie. beide vol blomen beslegen mit olye in sacrificie.
44 een gulden moertierken dat tien cyclen had vol wieroecs:
45 ende enen osse vanden vee ende enen ram. ende een eeniarich lam in holocaust.
46 ende enen bock voer die sonde:
47 ende in sacrificie van danckelichede twe ossen. vijf rammen. vijf bocken: vijf eeniarighe lammeren. Dit was helyazaphs duels soens offerhande.
48 Ten seuenden dage offerde die prince van effrayms kinderen elisama ammiuds sone
49 enen silueren plateel die woech hondert ende dertich cyclen. ende een phiale die had tseuentich cyclen ten ghewichte vander sanctuarien: beide vol blomen in sacrificie beslegen mit olye:
50 een gulden moertierken dat tien cyclen woech vol wieroecs:
51 een osse vanden vee. ende enen ram ende een eeniarich lam in holocaust.
52 ende enen bock voer die sonde:
53 ende in sacrificie van dancklichede twe ossen. vijf rammen.. vijf bocken: ende vijf eeniarighe lammeren. Dit was elisamaes ammiuds soens offerhande.
54 Ten achsten dage offerde die prince van manasses kinderen gamaliel phadassurs sone
55 een silueren plateel die woech hondert ende dertich cyclen. ende een phiale die had tseuentich cyclen ten ghewichte vander sanctuarien: beide vol blomen beslegen mit olye in sacrificie:
56 een gulden moertierken dat tien cyclen woech vol wieroecs:
57 een osse vanden vee. ende enen ram ende een eeniarich lam in holocaust:
58 ende enen bock voer die sonde:
59 ende in sacrificie van danckelichede twe ossen: vijf rammen. vijf bocken: ende vijf eeniarighe lammeren. Dit was gamaliels phadassurs soens offerhande.
60 Ten neghenden daghe offerde die prince van benyamins kinder abidan gedeons sone
61 een silueren plateel die woech hondert ende dertich cyclen: ende een phiale die had tseuentich cyclen ten gewichte vander sanctuarien: beide vol blomen besleghen mit olye in sacrificie.
62 ende een gulden mortierken dat woech tien cyclen vol wieroecs:
63 enen osse vanden vee. ende enen ram. ende een eeniarich lam in holocaust:
64 ende enen boc voer die sonde:
65 ende in sacrificie van danclicheden twe ossen. vijf rammen. vijf bocken. ende vijf eeniarighe lammeren Dit was abidans gedeons soens offerhande.
66 Ten tienden daghe offerde die prince van dans kinderen abieser amassaddais sone
67 een silueren plateel die woech hondert ende dertich cyclen: ende een phiale die had tseuentich cyclen ten ghewichte vander sanctuarien: beide vol blomen in sacrifice besleghen mit olye:
68 een gulden mortierken dat tien cyclen woech vol wieroecs:
69 een osse vanden vee ende enen ram ende een eeniarich lam in holocaust.
70 ende enen bock voer die sonde:
71 ende in sacrificie van danclichede twe ossen. vijf rammen. vijf bocken: ende vijf eeniarighe lammeren. Dit was abiezers amassaddais
[pagina *184]
soens offerhande.
72 Ten elften daghe offerde die prince van azers kinderen phagaiel ochrans sone
73 een silueren plateel die woech hondert ende dertich cyclen: ende een phiale die had tseuentich cyclen ten ghewichte vander sanctuarien: beide vol blomen besleghen mit olye in sacrificie:
74 een gulden mortierken dat woech tien cyclen vol wieroecs:
75 enen osse vanden vee. ende enen ram. ende een eeniarich lam in holocauste
76 ende enen bock voer die sonde:
77 ende in sacrificien van danckelicheden twe ossen vijf rammen. vijf bocken. ende vijf eeniarighe lammeren. Dit was phagaiels ochrans soens offerhande
78 Ten twaleften daghe offerde die prince van neptalims kinderen ahira henans soen
79 een silueren plateel die woech hondert ende dertich cyclen: ende een phiale die hadde tseuentich cyclen ten ghewichte vander sanctuarie: beide vol blomen beslegen mit olye in sacrificie:
80 ende een gulden mortierken dat woech tien cyclen vol wieroecs:
81 ende een osse vanden vee. ende enen ram. ende een eeniarich lam in holocauste.
82 ende enen boc voer die sonde:
83 ende in sacrificien van danckelicheden twe ossen. vijf rammen. vijf bocken: ende vijf eeniarighe lammeren. Dit was ahiras henans soens offerhande.
84 Dese dinghen waren geoffert vanden princen van israhel inder consecracien vanden outaer inden daghe dat hi gheconsacreert was: twaelf silueren platelen. twaelf silueren phialen.
85 ia dat elc platele hadde hondert ende dertich cyclen siluers. ende elc phiale tseuentich cyclen. dit is int ghemeen van allen vaten van siluere twe dusent vier hondert cyclen siluers ten gewichte vander sanctuarien:
86 ende twaelf mortierkens van goude vol wieroecs. weghende tien cyclen naden ghewichte vander sanctuarie: dat is te gader hondert cyclen gouts ende twintich:
87 twaelf ossen vanden vee in holocaust. ende twaelf rammen. ende twaelf eeniarige lammeren ende haer libamenten. twaelf bocken voer die sonde:
88 ende in holocauste van danckelichede vier ende twintich ossen. ende tsestich rammen. ende tsestich bocken. ende tsestich eeniarighe lammeren. Dese dinghen waren geoffert inder wiinghe vanden outaer. doen hi geconsacreert was.
89 Als moyses inden tabernakel der beloften ghinc om den here te rade te gaen: so hoerde hi sijn stemme sprekende tot hem van die propiciatorie. dat op die arke der oercontscap was tusschen die twe cherubin: van waer dat hij daer tot hem sprac

Vorige Volgende

§ Capittel .vij.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

67

68

69

70

71

72

73

74

75

76

77

78

79