Bible in duytsche (Delftse bijbel 1477)

§ Ca .xxxvi

1

DIt sijn esaus gheslachten: hi is edom.

2

Esau nam wijuen vanden dochteren van chanaan. ada elons dochter van etheus ghesachte: ende oolibama aneen dochter sebeons sone van eueus gheslachte.

3

Ende basemath ysmahels dochter nabaioths suster.

4

Ende ada ghebaerde eliphas. Basemath wan rahuel

5

Oolibama wan iehus. ende ihelon. ende chore Dit sijn esaus sonen: die hem worden geboren int lant van chanaan.

6

Ende esau nam sine wiuen ende sine sonen ende dochteren. ende elc siel sijns huys. ende sijn goet ende zijn vee: ende al dat hij mochte hebben int lant van chanaan. ende ghinc wech in een ander lantscap: ende ghinc van sinen broeder iacob.

7

Want si waren seer rijc: ende en hadden te gader niet moghen wonen: ende dat lant haere vreemtheit en gedoechdese niet om die menichte van haeren cudden.

8

Ende esau woende inden berch seyr: hi is edom

9

Dit sijn esaus gheslachten edoms vader in den berch seyr:

10

ende dit sijn sijnre sonen mannen. Eliphas was ada esaus wijfs sone. Rahuel was basemaths sijns wijfs sone.

11

Ende eliphas sonen waren: theman. ende omar ende zephua. ende gathan. cenes. ende chore.

12

ende tamua was eliphas esaus soons vriendinne: ende sij ghebaerde hem amalech Dit sijn ada esaus wijfs sonen.

13

Rahuels sonen waren: naath ende zara. semma ende meza Dit waren basemaths esaus wijfs sonen.

14

Dit sijn oolibamas sonen anees dochter die sebeons soon was esaus wijf die hem ghebaeede: iehus ende ihelon ende chore

15

Dit sijn die hertoghen van esaus sonen. Eliphas sonen die esaus eerst gheboren soon was die hertoghe theman.

16

die hertoghe omar. die hertoghe sephua. die hertoghe cenez. die hertoghe chore. die hertoghe gathan. die hertoghe amalech. Dit waren elyphas sonen int lant van edom: ende dit waren adaen sonen.

17

Ende dit waren oec rahuels soonen. esaus soen. Die hertoghe naath. die hertoghe zara. die hertoghe semma die hertoghe meza. dit waren die hertoghen van rahuel: int land van edom. Dit waren basemaths sonen. esaus wijf.

18

Ende dit sijn oolibama sonen. esaus wijf. die hertoghe iehus die hertoghe ihelon ende die hertoghe chore Dit sijn oolibama aneen dochter esaus wijf hertoghen.

19

Dit waren esaus sonen ende dit waren sijn hertoghen: hij is edom.

20

Dit waren seyr des horreus soonen die int lant woenden: lothan. ende sobal. ende sebeon. ende anan: ende dison. ende ezar. ende dysan

21

Dit waren horreus seyrs soonen her-

[p. *51]

toghen: int lant van edom

22

Ende lothans zonen worden: horrei ende eman Ende lothans suster was thamna.

23

Ende dit waren sobals zonen. aluhan ende maneeth. ende ebal. sephi ende onan.

24

Ende dit waren sebeons zonen: achia ende anan Dit is anan. die hete wateren vant inder wildernissen: doen hi sebeons sijns vaders ezelen ter weyden hielt.

25

Ende hij had enen zoon die disan heet: ende een dochter hiet oolibama.

26

Ende dit waren dysans zonen: abdaz. ende iesban. ende iethran ende charan.

27

Dit waren oec esers zonen balaanan. ende zenan. ende athan.

28

Ende dysan hadde zonen hus. ende aran.

29

Dit waren die hartoghen van horreen. Die hertoghe lothan. die hertoghe sobal. die hertoghe sebeon. die hertoghe anan

30

die hertoghe dyson. die hertoghe eser die herthoge dysan. Dit waren die hertoghen van horreen: die regneerden inden berch seyr

31

Dit waren die coninghen die regneerden int lant van edom. eer die kinder van israhel enen coninc hadden.

32

Balaach beor zone: ende sijnre poerten name was denaba.

33

Ende balach starf: ende voer hem regneerde iobab zaren zone van bosra.

34

Ende doe iobab doot was soe regneerde voer hem husam. vanden lande themanen.

35

Ende doe dese doot was soe regneerde voer hem adad bedadis zone. die madian sloech in moabs lantscap: ende sijnre poerten name was anith

36

Ende doe adad doot was: soe regneerde voer hem semla van maserecha.

37

Doe dese oec doot was: soe regneerde oeck voer hem saul vander riuiere rooboth.

38

Ende doe dese oec gestoruen was: so volgede na hem int rijc balanan achobors zone.

39

Doe dese oec doot was: soe regneerde voer hem adad: ende sijnre poirten naem was phon. Ende men hete sijn wijf meezabel mathreths dochter die mizaabs dochter was.

40

Dit waren esaus hertogen namen. in haren gheslachten. ende steden ende in haren namen. die hertoge thamna. die hertoghe aluha die hertoghe iethet.

41

die hertoghe oolibama. die hertoge ela. die hertoge phinon.

42

die hertoge cenez. die hertoge theman. die hertoge mabser.

43

die hertoge mabdihel. die hertoge hiram Dit waren die hertogen van edom wonende int lant haers heerscaps dit is esau die vader dier van ydumea

44[37:1]

mer iacob woende int lant van chanaan daer sijn vader vreemde in woende:

45[37:2]

ende dit sijn sine gheslachten