Bible in duytsche (Delftse bijbel 1477)

Ca. .x.

1

DIt sijn noes zonen gheslachten: sem cham ende iaphet. Ende hem worden zonen gheboren nader diluuien

2

Iaphets zonen waren: gomer. ende magog. ende maday. ende ianan. ende tubal. ende mosoch. ende thyras.

3

Mer gomers zonen waren: assenen. ende riphat ende thogorma.

4

Ende ianans zonen waren: heliza. ende tharsis. cethim. ende dodanim.

5

Van desen worden gedeilt die eylande vanden heidenen in haren lantscappen. een yghelic na die tongen ende familien in haeren maechscappen.

6

Mer chams zonen waren: chus ende mefraim. ende phut. ende chanaan.

7

Chus zonen waren: euila. ende saba. ende sabatha. ende regma. ende sabathaca. Regma zonen waren: faba. ende dadan.

8

Echter wan chus nemroth. Hi begonste machtich te wesen int lant:

9

ende hi was een machtich iagher voer den heren. Daer wt quam die ghemeen spraeck. Alsoe als nemroth een starc wilt iager was voer den here.

10

Dat beghinsel van sijnen rijck was babilon. ende arach ende achat ende chalamie: int lant van sennaar.

11

Wt desen lande quam assur: ende stichte niniue ende die straten vander stede ende chale: ende resen. oeck tusschen niniuen ende chale.

12

Dit is een grote stede.

13

Ende mesraim wan oeck ludim. ende anamim. ende laabim. ende neptuim.

14

[p. *14]

ende phetrusim. ende cesluim: ende van dese quamen wt philistijm. ende capturim.

15

Mer chanaan wan sydonem sijnen eersten gheboren zoon:

16

etheum. ende yebuseum. ende amorreum. ende gergezeum ende

17

eueum. ende aracheum cyneum. ende

18

aradium: ende samarithen. ende amatheum.

19

Van desen worden gespreyt ende ghedeylt die luyde van chanaan. Ende die terminen van chanaan sijn ghemaect die quamen van sydonen van ieraram tot: gazam: tot dattu comes in zodomam. ende gomorram. ende adamam ende seboym tot lesa.

20

Dit waren chams zonen in haren maechscappen ende tonghen. ende gheslachten. ende landen ende haer luyden

21

Van sem iaphets meeste broeder. worden oeck geboren die vaderen van alle hebers zonen.

22

Sems zonen waren: helam. ende assur. ende arphaxat. lud. ende aram.

23

Arams zonen waren: hus. ende hul. ende gether. ende mes.

24

Mer arphaxat wan sale: ende van dien wort geboren heber

25

Ende van heber worden geboren twe zonen. Des eens naem was phaleg. om dat in sijnen daghen tlant ghescheiden wort: ende sijns broeders naem was iectan.

26

Dese iectan wan elmodad. ende saleph. ende asermoth. iare. ende

27

aduram. ende iasal deda.

28

hebal. ende abimahel. saba. ende

29

iophir. ende eiula ende iobab. Alle dese waren iectans zonen:

30

ende haer woninghe was gemaect. die gaen van messa tot sephar ten oesten berge

31

Dit waren sems kinder: na haren maechscappen. ende tonghen ende lantscappen. ende haren luyden.

32

Dit waren noes familien: na haren volke ende haren maechscappen. Van dese sijn die luyde ghedeylt inden lande nader diluuien.