Berliner Liederhandschrift vom Jahre 1568

[96]

Ein annder

Mein einigs A. mein hochster schatz,
mein trost

[fol. 57r]

 

aůff dieser erdenn :/:

 

Dů bist die liebste das ist nitt new,

 

nitt lieber sol mir werdenn,

 

Wann dů mein hortt,

 

vernim mein wortt,

 

Des solstů hertzlieb glaubenn mir,

 

die werck darbei

 

sei whar ich sei,

 

mitt trew will ich ertzeigenn dir.

 

 

 

Mein freůndtlichs A, mein hochster hortt

 

laß dich kein mensch verfůrenn,

 

Ker dich an kein Kleffers schwatz,

 

vnnd thůe mich baß probieren,

 

So verheisch ich dir

 

aůß trewer boger,

 

ich hab dich lieb vor andernn allenn,

 

Desgleichen fer dů haltes mich,

 

So frew ich mich mitt reichem schalle.

 

 

 

Mein lieblichs A. mein zartes weib,

 

dů hast mir mein hertz vmbfangenn :/:

 

Bis ahnn mein endtt, nitt von mir wendt,

 

Darnach hab ich groß verlangenn,

 

tagh vnnd nacht,

 

Jch stetz betrachtt,

 

wo ich heimlich zů ir kům,

 

Verlaß mich nitt mein einiges A.

[Spreuk]

Jch hab dir hertzlieb mein leben gebenn
Dů kanst mich thottenn oder lassen leben,
Noch sall mir nemantz lieber sein
Dan allein das Jůnge hertze dein.