Berliner Liederhandschrift vom Jahre 1568

[92]

Ein annder

Dein lieb důrchdringt mein ellendes hertz,
furwar on schertz,
bin ich verwůndt,
mir jst jm grůndtt,
mein gemůitt versertt,
Jn traůrenn kertt,
ist all mein freůdtt,
darůmb ich leidtt,
vill leidtt vnd clagh,
eß ist ahm tag,
daß ich dein nitt vergessenn magh.

Noch ist mein schertz waß ich ietz důltt,
von frembder schůldtt,
alles dir zů leib,
mich taglich

[fol. 55r]

 

jeb,

 

ob mich dein trost,

 

vonn pein erlost,

 

hoff ich gir

 

dů hochste zir

 

vnnd edle kron,

 

sich selber an,

 

daß ich nitt anders bittenn kan.

 

 

 

Biß nitt zů hartt, hertzliebste fraw,

 

als ich vertraw,

 

Jn traůwenn dir,

 

erhor mich schier,

 

sich an das ich,

 

so hertzenlich,

 

Dein lieb versůch

 

nitt weitther růck,

 

vnnd noch je mir,

 

von dir nitt kihr,

 

allein ich dein, Jm hertzenn ger.

[Spreuk]

Noch gewin
Steitt mein Synn.