Berliner Liederhandschrift vom Jahre 1568

[75]

Ein annder

Jch armer boß bin gantz verirtt,
Ach Jůpiter sendt mir dein hilff,
thů mich weisenn vnnd lerhen,
ich bin entzůndt,
mein hertz daß brentt,
die nachtt kan ich nitt schlaffenn,
daß schafft allein die hertzbrecherin,
Ja waffenn vber waffenn.

Schaw an die clagh die ich etz fůr,
O Venůs durch dein gůth,
Still mir mein hertz, Jn kůrtzer eill,
daß eß nichtt also wůte,
ich bin behafft,
mitt liebes krafft,
mitt Adams Rippen důrchschossen,
ich clagh den tagh vnnd aůch die nachtt,
Vnd

[fol. 47r]

 

bin gantz vnůerdrossenn.

 

 

 

Laß mich Jůpiter, Venus dein Kindtt,

 

hatt mich so hartt geschossenn,

 

wiewoll dyr dein aůgenn verbůndenn seindt,

 

hast mich ongefertt getroffenn,

 

Span mir vnnd dir,

 

vnnd triff die zeitt,

 

důrch deiner můtter erhenn

 

wahr daß geschach so wůrdt mein schmertz

 

Jn grosse freůdt sich kerenn.

[Spreuk]

Wor ich mich hin wendt
Vngefell iß altzeitt mein gesell.