Berliner Liederhandschrift vom Jahre 1568

[15]

Ein anders

Nůn hab ich all mein tagh gehortt,
wie scheidenn sei ein so schwere pin,
so hatt eß mir noch nehe gebůrtt,
das ichs mochtt ynnen wordenn sein,
dan nů allein,
so ich die rein,
vnnd aller

[fol. 10v]

 

schonste aůff erdenn,

 

moß lassenn stann,

 

vnnd sall nitt han,

 

van jr all waß mein hertz bogertt.

 

 

 

Mein hertz bogert nitt anders mehr,

 

dan was zv freůden vnnd ehrn zimptt,

 

woltt glůck soltt wieder kerenn,

 

das ich mehr hortt die Engels stim,

 

Jn einem haůß

 

zům finster aůß,

 

machtt mir mein hertz erbrennenn,

 

mitt grossem prachtt,

 

die liebde die machtt,

 

das ichs nitt kan besinnen.

 

 

 

Mitt freudenn steich ich auff das tagh,

 

dar bei der allerschonster haůß,

 

dar richtt sei mir zů thausentt fach,

 

jr hendlein weiß

 

zům finster aůß,

 

das brachtt meinem hertz

 

gar grossenn schmertz,

 

das ich so baldtt

 

můst wieder ab,

 

offt sach ich vmb

 

vnnd wieder ůmb,

 

hatt freůdt vnnd leidt,

 

ich armer Knab.