Berliner Liederhandschrift vom Jahre 1568

[3]

Ein ander

Freůndtlicher artt
dů hast mich hartt,
mitt deiner lieb besessenn,
Darůmb hab ich dich
erwelett vor mich,
vnnd kan deiner nitt vergessenn,
tag vnnd nacht,
hab ich kein raw,
deine hůlde zů erwerbenn,
Jn erhe dein,
will ich eigenn sein,
vnnd sall ich darůmb sterbenn.

Jst das dein will,
Jn aller still,
salstů es mich lassenn wissenn,
So sall mein hertz,
ohn allenn schertz,
altzeitt dir sein geflissenn,
glaůb mir fůrwar
ohn alles gefar,
aůß deinem můndt,
můß werdenn khůntt,
salst dů frolich machen.

Sůlches vůrbedachtt,
iß woll bethrachtt,
stůndtt

[fol. 2v]

 

mir woll zů bedenckenn,

 

hett mir sulches einer vorhin gesagtt,

 

ich hett geachtt

 

vůr schertz vnnd aůch vůr schwencken,

 

Jst gutt dein will,

 

den haltt gar still,

 

vnnd will den vonn mir nitt wendenn,

 

Jn diesem fall,

 

las vns einmall,

 

sulches werdenn folendenn.