Berlijnse liederenhandschrift

LXXVIII.

Wist ich van dir gantz gar gerecht,
als du van mir wol wissen macht,
den rechten ernst aen alles gebeirde,
so mochte ich vrolichen scertzen.
Du weist wol, das ich bin din knecht
und lebe dir gentzlich dag und nacht
und hain auch liebers nit of erden
dan dich, das brenget mir smertzen.
Ich dar nit sagen, was ich meine,
und wulde doch, das du es wist van mir.
Ich mochte nie han ein wortelin clein,
van dir, das ich mochte mircken ein,
wie ich nach lost mocht leben dir.

* Mijn begerlich hertz, saltu verstaen,
ist weirlich bi dir, wo du bist.
Sal ich da nit hien wider hain,
so lebe ich gar of leiten waen.
Nu mircke den troist, der bi dir ist!

Ich bidde dich, liebes vrauwelijn,
das du wollest recht besynnen dich,
wan ich weis ye kein zuversicht
dan ich allein met rechter gantzer stet.
soude alle die werlit myn eigen sin,
so wer ich menlich doch zu rijch:
das mochte mir alles gehelffen nicht,
want si mir cleine sture doet.
Wan din lieplich genade gestalt
hait mich van mir verirret gar,
dar zu dine dogent menichvalt.
Und werde ich alz matoeselin alt,
nit ander wertz an mir gewaer.

[fol. 132v]

2275

Han ich gesprochen icht zu vil,

 

des en laes mich nit ontgelden!

 

Durch alle dine gute mich gewer,

 

so mach ich sijn met vreuden geil.

 

settze mir, so wan du wilt ein tzijl,

2280

so hilffestu mir vreuden melden.

 

Vrauwe dogentrijche, seldenbeer,

 

das wer mijn aller hogestes heil,

 

daz du mir saghest den rechten gront,

 

wair mach ich mich solde halden,

2285

so werde mir liebes froude kont.

 

Got gebe dir gelucke, vrouwe, vrouwe, dusent stont!

 

Lais mich den troist behalden!