Berlijnse liederenhandschrift

[fol. 65r]

LIII.

So der meye zich lat scouwen
scone in dem ghebluinde ouwyn
onde der valt gheblumit staet
ond horet vogheliin zinghen,
zo weys man by waren dinghen,
das der winter ende hat.
Zo moys ich mit zorghen ringhen:
In have troest van wibe,
by dem ich tsijt verdrive,
dy mir anders nicht vurvat.

Weystu, minne, was ich wolde,
of ich ho wenschen wolde?
Zych, das ware eyn wiiflijch wijf,
zenfte van ziden, wijs van zinnen,
strijst an eren, zuetz an mynnen,
scone, unde da by kÜnscher lyph.
Zol ich yummer ich ghewinnen
by der werelde doghenlijche,
so ne stÜnt nye so wol die rijche,
nie zaghe in mime zanghe blyph.

Ich wil nemmer vyl ghedriven
onghemach no zwachen wyven,
mynne, das gheloÜe ich dyr.
Du wilt, hoef ich, mit dinghen
mich vyl werdelicher tswinghen,
die nach willen loenet myr.
Du moyst aver mich da bringhen,
da miin dienst zuetz erhelle.
Bystu danne can goet ghezelle,
das yrvind ich wal an dyr.