¶ Ca. xxxix.
ALle die gene die dit boec sullen lesen of horen lesen die sullen weten datter veel after gebleuen is van dat die geest gesien hadde binnen iij. dagen dat hi van arent was als van die tormenten der hellen ende vanden vageuier ende vander ewigher glorien want des gelijcs in een boecxken gescreuen is van eenen ridder die seer hastelic sterf op enen woensdach des middach ende weder quam des saterdages na middach tot sijn lichaem. ende dese ridder hiet tondalus: daer om en ist hier niet gescreuen. want die woorden ouer een comen Ende dese openbaringe vanden geest voornoemt begonde op sinte mertens auont ende na einde op ons heren hemeluaert dach. ende doe voer die geest daer ewige vroechde is ende feest. daer ionne ons te versamen die vader die sone die heilige geest.
AMEN.
Auteursrechtvrij