Apollo of Ghesangh der Musen

[Alderbequaemste schoone maeght]

Stem. Windeken.

1
ALderbequaemste schoone maeght,
Eerbaer, vvijs, en jongh ghedaeght,
Costlijck, vvaerdigh,
Heusch en aerdich,
Gheestich, vrolijck, sacht en soet,
Treffelijck, maer niet hoogh van moet.
2

Niet stuyrs noch vvreedt van hert en sin,

[p. 15]

 

Croonens vvaert als Coningin,

 

Oock by cleene

 

Recht ghemeene

 

Nimmer anders dan de lien

 

En machmen frayer Nimphe sien.

 

3

 

Lichter als Phoebus stralen licht

 

Is u suyverlijck ghesicht,

 

Schoone roosen

 

Doet ghy bloosen

 

Onder dat sneevvitte vleys,

 

Costelijck, cierlijck noch een reys.

 

4

 

Heusch en beleeft van spraeck en mondt,

 

Teer van handen, ’taensicht rondt,

 

Ranck besneden,

 

En u leden

 

Daer de cleeren soo om staen,

 

Al ofs’ een Schilder had ghedaen.

 

5

 

Soo’t u Princesse maer gheviel

 

Dat mijn opghetrocken ziel

 

V te deghen

 

Con bevveghen

 

En ghy my u dienaer kent,

 

Soo blijft mijn blijdtschap sonder endt.