Apollo of Ghesangh der Musen

Pastorelle. Vluchtige Nimph.

TItyrus, is alleen beswaert,
Caralena die ist waert,
Liever sterven,, dan te derven,
Haer gheselschap op een aer,
Willighe last en valt niet swaer.

Als ick souw kiesen na mijn sin,

Coninck zijnd’ en Coningin,
Soud ick toonen,, door het croonen,
Caralena dat ick u,
’Tmeeste bemin, doet ghy het nu.

’Tcleene verschil van onse staet,

Liefje doet dat soo veel quaet?
Dat u Minnaer,, gheen verwinnaer,
Die nochtans so seer houdt an,
Van Amulina worden can?

Of ick noch Amulina con

Winnen, en daer na noch won,
Lief u herte,, waer mijn smerte,
En mijn suer pijn die ick moet
Eeuwelijck draghen niet wel soet?

Ick soetse nu met dese hoop,

Hope datse beter coop
Noch sal gheven,, canse leven,
En dat Lentula sal sien
Teghen haer wil dit huwlijck schien.