Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen

[p. 140]

63
O waerde mont
Een nyeu liedeken
AL CXXX melodie tekst

Een nyeu liedeken

⁺ O waerde mont,
Ghi maect ghesont
Mijns herten gront
Tot alder stont.
Als ick bi u mach wesen,
So ben ick al genesen.

Mer tscheyden quaet
Van tfier gelaet
maect mi disperaet;
Ten baet gheenen raet:
Wilt si mi nu begheven,
Van vruechden moet ic sneven.

+ fol.73r

[p. 141]

3.

 

Haer schoon ghelu hayr,

 

Haer oochskens claer

 

Brenghen mi in vaer,

 

Nu hier, nu daer,

 

dat icse soude verliesen,

 

Oft si een ander soude kiesen.

Haer lippekens root,
Haer borstkens bloot,
Al sonder ghenoot,
Maken mi vroecht groot.
Als ic bi haer mach rusten,
Boete ic mijns herten lusten.

Schoon lief, doet wel
Ende kiest niemant el,
In narst, in spel!
Doet mijn bevel
Ende hout gelofte in trouwen:
Het en sal u niet berouwen.