Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen
(1975)–Anoniem Antwerps liedboek–
Auteursrechtelijk beschermd
[pagina 42]
| |
Een nyeu liedeken1.
Ga naar margenoot+ Een goet nyeu liet heb ick gedicht
Met also droeven sinne.
Die liefste heeft mi daer toe gesticht
Met haerder looser minne.
Ic en sal haer nemmermeer af gaen,
Bi daghe noch bi nachte.
Si cost mijn herteken so menighen traen.
Al heeftse mi nu ontrou ghedaen,
Noch staetse in mijn gedachte.
| |
[pagina 43]
| |
2.
Noyt roose soet van soeter rueckGa naar margenoot+
En heeft mijn herteken so seer bevangen.
Al hebbe ick somtijts quaet gheluck,
Naer haer staet mijn verlanghen.
Rijc God, mocht noch eens anders gaen
En mochte den tijt noch keeren,
Dat ic mocht troost van haer ontfaen,
So soude ic allen druck verslaen
Ende altoos vruecht vermeeren.
3.
Met een die alder liefste mijn,
So ghinck ic mi vermeyden.
Ick en mach altoos bi u niet zijn,
Wi twee wi moeten scheyden.
Si hout mijn herteken so seer doorwont,
Hoe soude ick vrolijck wesen?
Dat heeft ghedaen haren rooden mont;
Mocht ick dien cussen ic waer ghesont,
So waer mijn herteken ghenesen.
4.
Altijt staet si in mijn vermaen
Ende al uut goeder duechden.
Mocht ic noch troost van haer ontfaen,
So waer mijn herte in vruechden.
Mer neen ick niet, ic blijve alleyn
Ende si heeft mi begheven.
Si is nochtans dat liefste greyn.
Kiese ick dit jaer noch twee voor eyn,
So mach ick vrolijck leven.
5.
Oorlof, schoon lief, alst wesen moet
Ende ick wil henen varen.
Ick bidde Maria, maghet soet,
Dat si ons wil bewaren.
Mijn sinnekens hadde ick op u ghestelt,
Schoon lief, ist al verloren?
Ick minde u boven goet oft ghelt,
Mi dunct dat u mijn vrientschap smelt.
Adieu, mijn uutvercoren!
6.
Mer die dit liedeken eerstwerf sanck
Dat was een ruyters gheselle.
Hi weets hem allen goeden danck
Die duecht van hem ende van zijn boel vertellen.
Met schoone vroukens sidt hi op die banckGa naar margenoot+
te biere oft te wijne.
Al is zijn borsse dicwils cranck,
Laghe hy in zijns boels armkens blanck,
Het waer zijnder herten een medecijne.
|
