Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen
(1975)–Anoniem Antwerps liedboek–
Auteursrechtelijk beschermd
[pagina 2]
| |
Een amoreus liedeken1.
Ga naar margenoot+ ‘Als alle die cruydekens spruyten
Ende alle dinc verfrayt,
Ick wil mi gaen vermuyten.
Ick ben mijns liefs te buyten;
Het compas gaet al verdrayt.
Tis recht, schoon lief, ic bens ontpaeyt.’
2.
‘Hebdy u boel verloren,
Wat schaden hebdy daer van?
Ick seyt u van te voren:
Een ander had ic vercoren.
daer leyt u seer luttel an,
Al kiest ghi een ander man.’
| |
[pagina 3]
| |
3.
‘Wat schaedt den rijm der roosen!
Ghi veleyn door uwen hals,
Ghi waert die eerste glose
die mi brochte in nose.
dus leere ic nu van als:
vlaems, spaens, duyts ende wals.’
4.
‘God groete u, schoon kersowe,
Ghi snijt mijn herte ontwee.
Ghi zijt die liefste vrouwe,
Aen u staet mijn betrouwen.
Int lant en over de zee
En leven nu geen liever twee.’
5.
‘U lof, u danc, u waerde
Neme ick nu een verdrach.
Ic weet een ander op aerde,
Een edel man te paerde,
een rijckaert diet wel vermach,
die vrijt mi nacht ende dach.’
6.
‘Vrijt u een man teenen boele,
Een ruyter oft een baroen?
Wacht u dat hi niet en coele,
Want ghevoelde hi dat ick ghevoele,
Hi en sou niet gaen aendoenGa naar margenoot+
Een anders mans oude scoen.
7.
Adieu, wel vuyl clergersse,
Tis meer dan scheydens tijt.
Al ist dat ick nu messe,
Ick leerde u die eerste lesse.
Trouwen, ick kent, ick lijdt
Boven alle die werelt wijt.’
|
