Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 207 Een nyeu liedeken 1 WIe wilt hooren een goet nieu liet Wat te Haerlem in Hollant is gesciet Tsauonts te neghen vren Al van twee huepsche ghespelen goet Voor den reghen souden si cueren | 2 Si cuerden daer voor den reghen was nat Een goet gheselleken achter die stoppen sat Hi ghinck hem nederwaert stellen Hi dochte dat die ghespeelkens goet Malcanderen wat souden vertellen 3 De eene heeft der ander gheuraecht Segt mi ghespele sidi noch maecht Wilt mi die waerheyt wtlegghen Ist saeck dat mi die reden behaecht Het mijn sal ick v weder segghen 4 Ghespeel ick hebbe verloren mijn eer Ghister auont met eenen witten heer Ten is mi noch niet berouwen Hi gaf mi acht stuyuers een grooten meer Daer cocht ick me twee sayen mouwen 5 Noch quam ick in die turf steech daer ick noch eenen vechtmes creech Ick weerde mi dapper van onder En dat ick daer af geen kint en droech Dat gheeft mi seluen groot wonder [Folio 120r] [fol. 120r] 6 Ick quam gegaen hoort mijn vermaen daer vandick twe huepsche gesellekes staen Spaceren al in den doelen Si hebben mi vriendelick wel ontfaen Si deden mi wel na mijn beuoelen 7 Ghespele mi is alsulcx gheschiet Ick sal v doen mijn rechte bediet Ghister auont hoort mijn verclaren Een goet ghesel datter bi mi sliep Wi laghen malcanderen alsoo naren 8 Doen hi bi mi gheslapen hadt En hi mi also vriedelick badt dats woude ick wesen zijn vrouwe Vijftich croonen soude hi mi gheuen ras En daer toe zijnder trouwen 9 Ick nam aldaer zijn trouwe te pant Ick creghe dat ghelt in mijn hant Ick en wist van vruechden wat maken Ick cochte twee doecken vat dit verstant. En een cuers van root schaerlaken | 10 Die ons dit liedeken heeft ghedicht Hi hoorde die woorden alsoo licht die si tot malcanderen spraken Mocht hi aenschouwen haer aensicht Hi soude met haer wel kenschap maken Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd