Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 205 1 RIick God wie sal ic clagen Mijnen druck en my verdriet Hier en is niemant ten daghen die my oock bystant biet dies lijdt mijn herte rouwe En daer toe groote pijn Lief de ick v ontrouwe Soe waren die schulden mijn 2 Eens siaers stondick int herte Van een reyn vrouwelijck graen Nv lyde ick pijne ende smerte Om dat ick ben wt ghedaen Van row mijn ooghen leken En lyden groot verdriet Ick sie ick ben versteken Ken weet die cause niet 3 Niet trouwen lief wilt hooren Altoos na vrienden raet [Folio 118v] [fol. 118v] Ick en bender niet toe gheboren Om te comen in sulcken staet Mijn goeyken is te cleene Nae duwe reyn maechdelijn fijn dus leet mijn herteken in weene Om dat ic om tgoet ballinc moet zijn 4 Och goet ghy doet my quelen En lyden groote pijn Ick ben nv een te vele daer ick willecome plach te zijn dus gae ick achter lande Als een man desperaet Lief dit dunct my wesen schande Dat dat goet voor liefde gaet 5 Wat dinghe heb ick bedreuen Teghen v reyn maechdeken soet dat ghy my wilt begheuen En worpen onder de voet Dies moet my therte trueren Ende lyden pijne groot | Sou dit noch langher dueren Ic waer veel lieuer doot 6 Al ben ick dus bedroghen Met v reyn maechdelijck saet En valschelijc beloghen Het compt by uwer daet Sprack ick te naer v eere Segt my maechdeken coen Anders dan duecht ende eere Als ghy moecht v seluen doen 7 Ten had my niet ghespeten Al tleet dat ghy my doet Hadt ghy my niet verweten dat ick was te cleyn van goet daer om dat ic sal mincken Schoon lief die trouwe van dijn Ick salder noch langhe om dincken Alst v vergheten sal zijn 8 Oorlof reyn creatuere Die eens was die lifste mijn [Folio 119r] [fol. 119r] Meyndy dat ick sal trueren Alst moet ghescheyden zijn Neen ick bloem verheuen Van v neem ick den keer Al hebdy my begheuen Schoon lief Men vinter meer Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd