Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 202 Een nyeu liedeken. 1 MEt eenen drouen sanghe So claghe ick mijnen noot Het scheyden valt mi stranghe Al van dat vrouken minioot Huyt mijn ooghen saen Vloeyt so menighen heeten traen Al om die iiefste mijn die nv anders is beraen En mijn ontrou heeft ghedaen Och het scheyden doet mi pijn 2 Schoon amoreuse caer Ic en haddes v noeyt betrout. Laets spraken wi te gare Schoon woorden menichfout Och hoe was ick also bot En met mi hout v spot Iae also ick wel aensie Laets vant ick die duere int sloot Met een ander lief in cot [Folio 116v] [fol. 116v] Waert ghy vrolijc ende blye 3 Dus vint ic mi bedroghen Quade tonghen hebben mi verbeent Schoon woorden al ghelooghen Spraect ghi en niet en meent Iae al bijden raet Door qua tonghen quaet Sijt ghy van mi verureemdt Ende oock heel van mi versaet Hoe coemt dat ghi my aldus versmaet Noeyt en heb ic met v beschimt 4 Adieu schoon reyn figuere Adieu schoon eghelentier Ick en can gherusten niet een huere Om v reyn violier Och mocht ick noch eens ontfaen Eenen soen het ware ghedaen Aen v schoon roode mont Och mijn lijden saen Waer dan al gheheel ghedaen | Want mijn herteken hebt ghi doorwont 5 O edel god der mynnen Cupido staet my by Venus disciplinnen. Aen v roep ick ay my Also ghy mi doet aenschijn Oock bedroghen sal ick zijn. Ghelijck Salomon seer wijs Ende oock Absolon seer fijn Wel schoone roosemarijn Staen ick op een crakende ijs 6 Adieu adieu princesse Daer ick sin op hadde gheleyt Het was mi een droeue lesse Als ghi mi v trouwe ontseyt Quade tonghen breken wel een been En si en ghenesen gheen Dat heb ick nv verstaen Och adieu wi moeten scheen God die wil v wel gheleen En beschermen van alle quaen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd