Antwerps liedboek

(2001)–Anoniem Antwerps liedboek– rechtenstatus


199 Een nyeu liedeken 1 IC quam noch gister auont. Voorwaer ic en liege v niet. Daer quam een meisken wter hagen. Si was gecleet gelijc een pagie En was dat niet swaer verdriet 2 Pagie wel lieue pagie Waer is v heer? mi verstaet. Mijn heer heeft mi verlaten Dus moet ic dolen lancx der straten Ick en weet mijns gheenen raet 3 Goeden raet sal ic v gheuen. Laet ons gaen drincken den wijn. Want mi dunct aen v visagie Ghi en zijt gheens heeren pagie
[Folio 114r]
En ghi sijt een fier maechdelijn 4 Oft ick een maechdelijn ware Wat leyt daer yemant aen Laet ons te samen gaen wanderen Vanden eenen altotten anderen Wi sullen ghenoechte ontfaen 5 Daer ghinghen si henen sluypen Ghelijck een hoender dief Van daer tot achter die vesten Om vrou venus brant te lesschen Daer creech hem die pagie lief 6 Pagie wel lieue pagie Wi twee wi zijn ghemelt En comt niet meer so laet int doncker Om te spelen met uwen ioncker Oft ghi sout verdienen tghelt 7 Maer die dit liedeken dichte dat was een ionghelinck fijn Hi heuet so wel ghesonghen God schende quade nijders tonghen \| Met zijn lieueken inden wijn Onsuyuere tonghe onsuyueren sin heeft Want elc vat wt gheeft nae dattet in heeft Wildi dan reynich zijn ende cuysch beuonden. Hebt herte tonghe ende v leet ghebonden