Antwerps liedboek

(2001)–Anoniem Antwerps liedboek– rechtenstatus


165 Een oudt liedeken. 1 WIlt god ic sal beginnen Vander alderliefste mijn mijn hert wil ic bi haer eynden Rijc god waer machse zijn Si wil mi nv begheuen Si neemt mi lijf ende leuen die alderliefste mijn 2 Mijn hert is mi doorschoten Met eene vierighen pijl
[Folio 91v]
dat heeft ghedaen een vrouken Si staet int herte mijn Si hout mijn herte beuanghen Na haer staet mijn verlangen. Si staet int herte mijn 3 Mijn lieueken heeft twee borstkens ront Veel witter dan die snee Mach si mi niet ghewerden dat doet mijn herte so wee Gheen lieuer op aerden Mach si mi niet ghewerden dat doet mijn herte so wee 4 Schoon lief ic sal v helpen Wat v te helpen staet Ic sal om uwen wille Vader ende moeder af gaen Schoon lief laet v gebruycken Ende wilt v herte ontsluyten. Laet mi daer rusten in \| 5 Schoon lieueken wi moeen scheyden Is dat niet iammer groot die maget bestont te weynen den ruyter in haren schoot Wat gaf hi haer te loone Een vriendelijc cussen scoone Aen haren rooden mont 6 Die dit liedeken dichte. dat was een ruyter fijn. Hi heuet wel ghesonghen hi en mach bi zijn lief niet zijn Si singhet wel bouen maten Mijn boel en sal ic niet laten Ten eynden vanden leuen mijn