Antwerps liedboek

[fol. 76r]

137 Een amoreus liedeken.

1
ROzijn hoe is dijn ghestelt.
Bi coninck Paris tijden
Doen hi den appel hadde in zijn ghewelt
Die alderliefste woude hijt gheuen
Voorwaer ghelooft.
Hadde Paris v schoonheyt aenghesien
Venus en waer niet begaeft daer mede
Den prijs waer v ghegeuen

2
Ick weet hadde Virgilius v ghekent
Eer hi bedachte te scriuen
Van die schoone Helena yent
Al wt der griecken lande
Een croon bouen alle wijuen
Ghi hebt die schoonheyt veel meer dan si
Haer scoonheyt toegemeten
Daerom so is mijn herte so vast met haer liefde beseten.

3
Ick weet had Pontus bi zijnder tijt
Ghesien een dier ghelijcken
Sydona die hadde breedt ende wijdt
Met haer schoonheyt moeten wijcken |
Ende ander veel meer daer ick deer
Lief hebben v in trouwen saert ioncfrou fijn
V dienaer so wil ic zijn
So langhe als ic leue opter aerden.