Antwerps liedboek

(2001)–Anoniem Antwerps liedboek– rechtenstatus


135 Een nyeu liedeken 1 O Venus v ontrouwe Brengt mi la\|cen inden rouwe Dat heeft v wanckebaerheyt ghedaen Als ic v lief aenschouwe Mijn alder liefste vrouwe So dunct mi mijnn herteken van drucke vergaen Ghi cost mi so menighen traen 2 O edel god der minnen Wat sal ick nv beghinnen Dat ic van die liefste dus ben versmaet Mach ick gheenen troost gewinnen Mi dunct ic sal ontsinnen Ic bliue in lijden puer desperaet dat heeft ghedaen v vroulijck saet 3 O suyuer bloeme reene V dienaer hout ghi inden weene Laet dalen uwen hooghen moet Sidi gelijc den steene Verhert al totten bene Ghi doet mi veranderen lijf ende bloet Ick bedde v lieueken den sin versoet. 4 O vrouwelike ymagie Reyn edel personagie Ick bidde v om een troostelijck woort Soude v hooghe couragie
[Folio 75v]
Schouwen sulcke villeragie So doedy uwen dienaer een groot confoort. die liefde van v mijn ionck herte doorboort 5 Ten baet schat goet noch eruen Wi moeten alle steruen Hoe hooghe gheboren op dit termijn dus laet mi nv verweruen Troost mi of ic moet steruen Ghi zijt die alderliefste medecijn Verblijt den bedructen schoon claer Robijn 6 Princersselijcke beelde Die mi noyt en verueelde Wilt doch dit liedeken in dancke ontfaen Ghi waert bi mi een veelde Bi v ic noyt en queelde Al hebben ons dese nijders leyt beraen Oorlof schoon lief ende ick moet gaen