Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 134 Een nyeu liedeken. 1 O Venus wilt mi nv bistaen | Hoort mijn vermaen Wilt mi van druck ontslaen So dat ic mach ontfaen Troost van die liefste mijn So mach ic vrolijc zijn Mijn sinnekens heeftse mi ontstolen Haer claer aenschijn heeft mi mijn hert dooruloghen O Cupido met uwen staet Ic ben verwaet Helpt mi door uwen raedt Want mi mijn troost ontgaet Ende ick ben bedroghen 2 Sin ende moet mijn geest verblijt In druc af snijt In deser werelt wijt Tot alder nijders spijt Sal icxse beminnen Want si mijn sinnen Met venus vierken heeft ontsteken Haer blinde min sal my mijn hert doorbreken Wat ick veel truer ten baet mi niet Ick ben bespiet Twas venus diet my riet Ic woude wel dat zijt liet Want icse moet smeeken 3 Ic bidde v soete lief expaert dat ghijt mi verclaert [Folio 75r] [fol. 75r] Want ghi mijn hert | beswaert Tot v neem ick mijn vaert Want ghi mi trueren doet Dus bid ic door ootmoet Dat ghijt in danc wilt ontfangen Inder minnen spoet lide ic so swaer verlangen Want niet dan druck is mi present Ic blijf geschent Bleef ic al daer gescent Want ghi mijn hert doorprent Sot inder droefheyt stranghen 4 O princelijcke prince schoon door uwen thoon Spant ghi int hert die croon Onder des hemels throon En weet ick gheen lieuer lief Aldus doet doch mijn gerief Mijn sinneken hebt ghi mi ontstolen door v miskief brengt ghi mijn hert in dolen Want ghi zijt soete lief certeyn. Int hert cleyn. mijn wtuercoren greyn In deser werelt pleyn En laet dat zijn verholen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd