Antwerps liedboek

128 Een nyeu liedeken.

1
O Lustelike mey ghi zijt nv in saisoene
Schoon ende groene
die vogelkens singen nacht ende dach.
Dies ic wel mach Sonder verdrach
aensien reyn ooge opslach Van mijn lief coene
Haer liefde macht mi veel te doene

2
Int velt staet menichte van bloemen
Wie soudese sommen
Hoe lustelic dat gersseken wter aerden spruit
Loof ende cruyt Gheeft nv virtuyt
O mijnder herten iuyt Verblijt den dommen
Een troostelic woort laet lief van v commen

[fol. 72v]

 

3

 

Schoon lief ghi zijt die liefste creatuere.

 

Mijns leuens duere

 

Blijue ic gestadich tot in mijn doot

 

Reyn lief minioot Troost mi tis noot

 

die mijn herte doorschoot. Reyn maget puere

 

Om uwen troost ist dat ic labuere

 

 

 

4

 

Schoon lief ghi acht mijn woordekens cleene

 

Dies ic in weene

 

Blijue ic met drucke so seer doorwont

 

Ghi zijt diet doet Schoon beelde soet

 

Verhuecht sin ende moet. Met uwen troost reene

 

Worde ic verblijt door v alleene

 

 

 

5

 

Princersselic greyn wien ick geerne aenschouwe

 

Blust mijnen rouwe

 

Laet mi arm dienaer troost ontfaen.

 

Reyn vrouwelijc graen Hoort mijn vermaen

 

Laet mi in v gracie staen. So sal ic met trouwe

 

V dienen lustelijcke vrouwe