Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 104 Een nyeu liedeken 1 ICk weet een vrouken amoreus. die ic met herten minne Haer wesen is so gracieus Si staet in mijnen sinne Gestadich is si in alder stont. Men vinter niet seer vele. want si heeft eenen rooden mont Twee borstkens ront Ende een snee witte kele 2 Alle vroukens heb ic lief. Om eender vrouwen wille Om haer lijt mijn herte grief Heymelijc alstille | Niet dan reyne eerbaerhede. En wil ic haer betooghen want si heeft een geluwe hayr Een aenschijn claer Ende daer op twee bruyn ogen 3 Aen haer weet ic geen misset Des wil ic vruecht orboren Haer tandekens zijn also wit Al warent fijn yuoren haer lippen bloeyen als corael Ende wt gedaelt van kinne waert geen zonde int generael dit ist principael. Ic hielse voor een goddinne 4 Moedich ende fier is die ganc Mer selden coemt si buyten. Haer vingherkens spelen snaren clanck Op harpen ende op luyten. [Folio 59r] [fol. 59r] Haer tonge waer ic vruecht | bi gewan Spreect woorden van Retorijcke Aerdigher en sach ick noyt an die vruecht ghewan Haer stemme singhet wel goede musijcke 5 Van leden is si wel ghemaect Het schijnt een albasteren beelde Moecht icse noch aenschouwen moedernaect dat waer mijn herteken een weelde Gondese mi dan haer ghebruyck Het mochte haer luttel deeren Want op haren witten buyc Eenen swaerten struyc Dat waer al mijn begheeren 6 Dit singhe ic wt ionsten reyn Ter eeren van alle schoone vrouwen Want om mijn lief in swerelts pleyn. Op v staet alle mijn betrouwen Mocht mi ghebueren een cussen vrij Van haer bloeyende wanghen Waer ghi zijt lief peyst om mi Als ic om dy Daer na staet mijn verlanghen | 7 Princersse mijnder herten fijn Oorlof neme ic met desen. Want v complexie is sanguijn Laet mi v dienaer wesen Schoon lief al hoort ghi wat Quade tonghen die liefde scheeden Al hoor ic van v in die stadt Nv dit nv dat Ghi en moecht mi niet verleeden Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd