Antwerps liedboek
(2001)–Anoniem Antwerps liedboek–
Auteursrechtelijk beschermd
[Folio 58r]
| |
Hoe sidy nv bedacht
Och wildi bi mi bliuen
Ende dat segt mi nv ter tijt
Want ick moet van hier
Ia schoon is mijn lief
Mi en lust gheen ander wijf
2
Lust v gheen ander wijflijn
So dracht v herte tot mi
So segghen al die lieden
dat ick die liefste si
die eere wil ick behouwen
Tot die alderliefste mijn
Ende slapen bi scoone vrouwen
Ia schoon is mijn lief
Daer slaept een ander bi
3
Hi nam die suyuerlijcke
Al bider witter hant
Hi leydese also verre
Al ouer die smale padt
al voor haer camer veinster |
daer lach de maecht en sliep
die wachter op hoger tinnen
Ia schoon is mijn lief
Hoe luyde mer dat hy blies
4
Is daer yemant verboorghen
Dat segt nv ter tijt
dat hem die niders niet en verspieden
Die bi der liefster zijt
Ic sie die morghen sterre
ende den dach die spruit daer by
Ic hoor die vogelkens singen.
Ia schoon is mijn lief
daer toe die nachtegale
5
Laet singhen wat si willen.
Ten is noch gheen dach
So moetse god bewaren
Daer ic te nacht bi lach
Si heeft twee valcken oogen.
daer toe eenen huebscen crans
So moet ic van haer scheyden. |
Ia schoon is mijn lief
God spaerse lange ghesont
6
Hier mede heb ic ghecosen
Het is mi van herten leet
Ick hebbe om uwen wille.
Ghereden so menigen dach.
Schoon lief laet v gedengen.
Ende die trouwe die ic v gaf.
Ende laet v twee bruyn ooghen. op mi wencken
Ia schoon is mijn lief
Adieu ic scheyde van hier
|
|